අරුත් සුන් කවිය

පන්හිඳ තුඩින්
ගිලිහෙමින්
පද වැල්
අපිළිවෙලකට
ලිය වුන
අරුත් සුන්
කවිය නුඹ

සුභ අලුත් අවුරුද්දක් වේවා ! ඔබ සැමටම

රතු ඉර

ඉලුක් හුළඟට දුවන
දුක නොඅඩු පියස යට
ඉල් අහස ගැබ්බරව ඇති කලේ

ඉස්පාසුවක් නොවන
හෙට අනිද්දාවක පිබිද
ගිය හකුර නමට හඬනා මලේ

මහ කන්නයට පිපුණ
රතු ඉරට ගත දැවුණ
අප්පච්චි තවම ඒ මහ කැලේ

මරු වැල්ද මකාගෙන
උන්නොදුටු දිසාවට
උඹට පය නඟනු හැකි වෙද මලේ

- වීතරාගී
http://wiitharaagii.blogspot.com/2010/10/blog-post_13.html

නත්තල..

තවත් නම්
    Christ's Mass (ක්‍රිස්තුස්ගේ පූජාව)
    Nativity (උත්පත්තිය)
    Noel
    Feast of the Nativity (උත්පත්ති උත්සවය)

වැදගත්කම
     ක්‍රිස්තුස් වහන්සේගේ උපන්දිනය..

පිලිවෙත..
    ත්‍යාග ප්‍රධානය
    පල්ලි උත්සව
    පවුලේ සහ වෙනස් සාමාජීය හමුවීම්
    සංකේතාත්මක සැරසිලි 

ඉතින්.... .

නත්තල් ඇති, නත්තල් නැති, උත්සව ඇති උත්සව නැති, එකී මෙකී නොකී....
සැමට සුබ නත්තලක්ම වේවා...

ප්‍රියාන් ගේ පොත් දොරට වැඩුම....

මාධ්‍යවේදී ප්‍රියාන් ආර්. විජේබණ්ඩාර විසින් රචිත 

"කම්පනයට වෙන්න ඇති"

කාව්‍ය සංග්‍රහය සහ 

"නෑ ඒ අම්මා නෙවෙයි"

යොවුන් නව කතාව දොරට වැඩීම 

දෙසැම්බර් මස 30 වන දින සවස 2.30 ට 

කොළඹ 07, ජාතික පුස්තකාල හා ප්‍රලේඛණ සේවා මණ්ඩල ශ්‍රවණාගාරයේදී සිදුකෙරේ. 

එදින මුලසුන මහාචාර්ය ජිනදාස දනන්සූරිය මහතා විසින් දරනු ලබයි. කේ.කේ. සමන් කුමාර විසින් අත්දැකීම්, පරිකල්පනය හා නිර්මාණකරණය යන මැයෙන්ද, අනෝමා රාජකරුණා විසින් නූතන කවියේ සමාජීය මැදිහත්වීම යන මැයෙන්ද, දෙසුම් පවත්වනු ලැබේ‍. චින්තන ගීතදේව සහ ෂැගී විසින්  සංගීතමය රස මුසුවක් එම අවස්ථාවට එක් කරනු ඇත.

දැන්වීමයි

පුතා

වසර දෙකක කාලයක් සදහා

නැවත මව්බිමට පැමිණීමට නියමිත බව

කොමෙන්තුවක් මගින් විකී වෙත පවසා ඇත.

එමගින් ඔහු ,

..............කාන්තාරෙට අවුරුද්දකට දෙකකට සමුදෙන්ට කියලා හිතන් ඉන්නේ ඕං... දවසක සැට්වෙලා ...............

ලෙස දන්වමින්

සිය අනාගත සැළසුම් පිළිබදවද ඉගි පළ කොට තිබේ.

මේ සදහා සහභාගී වීමට ඔබත් කැමැත්තක් දක්වන්නේනම්

ඒ පිළිබදව ඩුබායි වට්ටක්කා වෙත ගොස්

කොමෙන්තුවක් මගින් පුතාට දැණුම් දෙන්න.

ඉක්මන් කරන්න

පමා වී පුතාමෙන් පසුතැවිලි නොවන්න

යුද්ධයෙන් චූන් වීම

යුද්ධයෙන් වඩාත් පීඩාවට පත්වන්නේ දරුවන්ය. පියවරුන් හා මව්වරුන් අහිමිවීමෙන් පමණක් නොව දහස් ගණනින් ජීවිත හානි වීමෙන් හා සදාකාලික අබාධියන් බවට පත්වන්නේද කිසි වරදක් නොකල කුඩා දරුවන්ගේමය. එමෙන්ම යුද්ධය ඇතිව හෝ නැතිව යුද්ධය හුරතල් කරන සමාජයක එම සමාජයේ කුඩා දරුවන්ගේ මනස් රෝගාතුර වීමේ බරපතළ අවදානම වටහා නොගත් කල හෙට දවස වෙනුවෙන් ඉතිරිවන්නේ මිටත් වඩා පලිගැනීමේ උමතුවෙන් පෙළෙන රටකි. රූපවාහිනිය, පත්තර හා රේඩියෝව දරුවන් වෙනුවෙන් තාත්තලාගේ කාර්යභාරය සිදුකරණ කල්හී හෙට වැඩිහිටියන් බවට පත්වන්නේ එක්ස් කණ්ඩායම වරක් කිව්වාක් මෙන් ළමාවිය ඔවුන්ගේ වැඩිහිටි ජීවිතය තුළද සදාකාලිකවම රඳවා ගනිමිනි.
ඔබට දරුවෙක්ව යුද්ධයෙන් අයින් කර තබන්නට පුළුවන්. නමුත් දරුවාගෙන් ඔබ යුද්ධය අයින් කරන්නේ කොහොමද?පහතින් දැක්වෙන්නේ අද දිවයිනේ මුල් පිටුවේ ඡායාරූපය හා සටහනයි. මෙයට මේ සමාජය චූන් කරවන යුද උන්මාදය හැර වෙන කුමක් කියන්නද?

තිස්‌ වසරක කොටි ත්‍රස්‌තවාදය අවසන් කර දැමීමේ මානුෂීය මෙහෙයුම් වලදී යුද හමුදා සන්නාහ සන්නද්ධ බළකාය ඉටුකළ මෙහෙවර අති මහත්ය. එදා සතුරු බල මුළු විනාශ කරමින් සටන් පෙරමුණේ පෙරට ඇදුන සන්නද්ධ යුද ටැංකි මෙහෙයවූ රණවිරු පියවරුන්ගේ දරුවෝ මෙදා එම යුද ටැංකි මත නැඟී සිය පියවරුන් පෑ විකුම් සිහිපත් කළ අයුරු දැක්‌වෙන මෙම සංවේදී දසුන මෝදර රොක්‌ හවුස්‌හි සන්නාහ සන්නද්ධ බලකා මූලස්‌ථානයේදී ඊයේ (15 දා) අපට දැකගත හැකිවිය.
සටහන : සිරිමෙවන් ඡායාරූපය : සුජාතා ජයරත්න

උපුටා ගැනීම - LOOPHOLES
http://loopholes-loopholes.blogspot.com/

තරුව

සඳ නොමැති රෑ අහස
තනි නොකර තනි රකින
රන් තරුව....
මුළු අහස පුරාවට
නොදිලුවත් නුඹේ රුව
විඩාබර නෙතු වලට
නුඹම හැර පහසක්
තියේවිද කොතැනක...
හැමදාම ළඟින් හිඳ
සනසවන රෑ අඹර
තරුවකටම මිසක
තනිව හිමිකම් කියනු හැකි වෙද
බොහෝ කලකින්
මුළු අඹර
එකළු කළ සඳකට........

සේද රෙදි

රන් කාසි ගිලින
ඇදුම් සාප්පුව
සේද රෙදි
වමාරයි

සිබින්නට
කතා කර
සුවද විතරක්
ඕන් නිදි
දහවලෙත්
සාප්පුව

ඇගිලි තුඩගින්
පැන පැන
බෙල්ල කඩා ගතිමි
සේද රෙදි ගොඩ උඩ

කාසි වමාරන
මැශිමක් තිබ්බාලු
එකමත් එක කාලෙක නම්
දැන් එන්නේ ලොකු කොළ
මොනරැ සින්හයෝ ඉන්න
ඒත් නෑ කාසි
රන්ම රන් කාසි

'මේ කොළවල සත්තු ඉන්නවා
උන් අපිට ගොරෝනවා'

මට සේද රෙදි ඕනෙමයි
ඇහුණද ඔහේට....?

 

- කාන්චනා අමිලානි (http://www.thinkland.net/)

පරිණාමය..

"වම" කියන්නෙ මොකක්ද?
ආ.. ඒක හුළං විදුලියේ කොලොම්බියා තැටියකටත් වඩා පරණ බයිලයක් 
එතකොට මාක්ස්වාදය කියන්නේ?
ඒ මොකක්ද? වයසට යද්දියි සම්‍යක් දෘෂ්ඨිය පහළ වෙන්නෙ. උඹලටත් තේරෙයි නාකි වුණාම.
එතකොට කම්කරු නායකත්වයට මොකද වෙන්නෙ?
මේස පිහියෙන් පාන් ගෙඩියක්වත් කපල නැති එවුන් කම්කරු නායකයො විදියට පිළිගන්න එක මෝහයයි. ඒක කම්කරුවන්ගෙ දෝෂයක්. 
එහෙනම් යන්නද සහෝදරය..?
සහෝදරය නෙවෙයි යකෝ ගරු ඇමැතිතුමා...

සංගීතය - ආදරයේ දේශපාලන ක්‍රියාවක් ලෙස...

නව කතිකාවකට ඇරයුමක් - සත්වන පියවර

‍විස්තර සඳහා -
http://www.facebook.com/?tid=1733789221989&sk=messages#!/event.php?eid=120737361321852

තියාගනිව් තොපේ සර්වේ එක...!

යකෝ.................
තොපි දන්නෙ නැති උනාට
ලෝකෙ ලොකුම වැව තියෙන්නෙයි
ලෝකෙ හොඳම කැලෑව තියෙන්නෙයි
ලෝකෙ ධාර්මිකම මිනිස්සු ඉන්නෙයි
ලෝකෙ ලස්සනම දිය ඇල්ල තියෙන්නෙයි
ලෝකෙ හොඳම හමුදාපති ඉන්නෙයි
ලෝකේ ශ්‍රේෂ්ඨම ජාතිය ඉන්නෙයි
ලෝකෙ ලස්සනම භාෂාව තියෙන්නෙයි
ලෝකෙ හොඳම ආගම තියෙන්නෙයි
ලෝකෙ වැඩියෙම්ම පින් කරන්නෙයි
ලෝකෙ හොඳම ජනාධිපති ඉන්නෙයි
ලෝකෙ එකම ජාතික චින්තනය තියෙන්නෙයි
ලෝකෙ විප්ලවීයම වාමාංශිකයො ඉන්නෙයි
ලෝකෙ හොඳම විපක්ෂ නායක ඉන්නෙයි
ලෝකෙ හොඳම හිරකාරයා ඉන්නෙයි
ලෝකෙ අදීනම මාධ්‍ය තියෙන්නෙයි
ලෝකෙ මාරාන්තිකම උපවාසකාරයෝ ඉන්නෙයි
ලෝකෙ දරුණුම පෝර්න් ස්ටාර්ස්ල ඉන්නෙයි
ලෝකෙ ලොකුම කිරිබත හැදුවෙයි
අපේ රටේ යකෝ....................
තියාගනිව් තොපේ රෙද්දෙ සර්වේ එක.
තොපි එයිනේ කැසිනෝ ගහන්ඩ......
එදාට බලාගමු......!!

තහනං පෝස්ටර් යැ

කොළඹ නගරය සරසන ලද
දංකොටුව පෝසිලේන් හැඩ
මල් වැල් ගෙතූ ලොකු කටවුට්

එඩි ඇති මිනිහෙකුට කළ හැකිද?
ආණ්ඩුව වැරදි තැන අලවන එකත්
තහනං කළ කලෙක

දුර දකින එඩි ඇති හිනාවට යටින්
හී අකුරෙන් ලියා තිබුණා
මේක පංචායුධයේ වැඩක්

මං හිතන්නේ ආරස්සාවට
වෙන්ටැ

-හිතුවක්කාරයා

හපනෙක් ඉන්නවානං මේ කටවුට් එකක පින්තූරයක් මේ යටිං එල්ලන්න

මංගල්ලෙට පෙර වදනක්

බදින්න පෙර සිතා බදිනු

අයියෝ සිරිසේන

නැතිවෙලා උගෙ ජානකී

මේ කෝකත් දැනගන්න

කියවන්න

ණයට ගෙනා මනමාලී

නුඹ නමින්

සුපිපුනු සුවඳ

මල් හසරැලි

 මුව ගවසා

   

සඳ කැන් වලින්

   සිහිලස ගෙන

   හද තවරා

මදනළ සමඟ

හාදව

ගී පද මුමුනා

      

      නුඹ ළඟ රැදෙමි 

     හැමදා

      සෙනෙහස පුරවා

"වීදි දරුවෙකුගේ කථාව....."

"නුඹ මා ඔය දෑතින්

කෙතරම් කාලයක්

වඩා උන්නාදැයි

මා නොදනිමි..........

උපන් හැටියෙම

ආදරය උණුසුම සොයා

මා හඬද්දී

කිරි සුවඳට

ඉව අල්ලද්දී

නුඹ මා වෙන

ලොවක අතරමන් කර

ගිය හැටි 

මා නොදනිමි.........

මගේ සිඟිති

තොලකට වේලෙද්දී

නුඹේ දෙතනට 

කිරි එරුනාදැයි

මා නොදනිමි........

ඔය දෑතින් මා වඩා

පුතේ කියා

හඬගැසුවාදැයි

මගේ මුහුන සිප ගත්තාදැයි

මා නොදනිමි......

මා මෙහි දමා යද්දී

නුඹේ නෙතට

කදුලක් ඉනුවාදැයි

දරු සෙනෙහෙන් 

ලය තෙමුනාදැයි

මා නොදනිමි.......

නුඹේ අතින් බත් දෙකටක්

කවා ගන්න

නුඹේ අතින් අල්ලා ඇවිදින්න

නොහැකි වීමට තරම්

මා අවාසනාවන්තදැයි

මා නොදනිමි.......

මා සෙවූ 

මම සොයන

අම්මා කියන නුඹේ 

ඡායාවවත්

මම නොදනිමි........"

ප්‍රසිද්ධ කිරීම කැත නම්, හංගගෙන බැලීම හොඳ ද?

අසභ්‍ය බව කියන වැඩිහිටි වෙබ් අඩවිවල දර්ශනවලට පෙනී සිටි බව කියන පුද්ගලයන් පිරිසකගේ ඡායාරූප ගිය සඳුදා සිට ඇතැම් මාධ්‍ය මගින් "ප්‍රසිද්ධ කලා".

මේක ප්‍රසිද්ධ කිරීමක් නම්, එයාලා හැංගිලයි ඉඳලා තියෙන්නේ. ඒ හැංගිලා ඉඳිමෙයි, මේ ප්‍රසිද්ධ කිරීමෙයි සාමාජීය තාක්ෂණය එකක්මයි.

(අන්තර්ජාලය තුල හැංගීම?)

හංගගෙන පිරිසක් "රස විඳිනවා".  ඒකට අවස්ථාව නැති අය ප්‍රසිද්ධ කරලා "රස විඳිනවා". දෙකේම තියෙන්නෙ එකම රසය. මේක තමයි ලාංකීය සමාජයේ "රස" සංවිධානය වෙලා තියෙන විදිහ.

හැංගිලා හිටපු අයව ප්‍රසිද්ධ කරන එක හිංසනයක් වගේම, ප්‍රසිද්ධියේ හිටපු අයව හංගලා රස විඳින එකත් හිංසනයක්.  දූෂණයට ලක්වන අවස්ථාවක් උනත් හැංගිලා රස විඳිනවා වෙන්න පුළුවන්. නිදහසට කරුණ තමයි ඒ විත්තිය අපි දන්නෑ කියන එක. මේ අර්ථයෙන් හැංගීමයි, ප්‍රසිද්ධ කිරීමයි දෙකම නින්දිතයි.

අපේ සමාජයට ලිංගිකත්වය රැගෙන එන විදිහ තමයි මේ.  මෙතැන සාධනීය කාරණයක් තියෙනවා. ඇගේ වෛරය/සළුපට අහසට වගේ චිත්‍රපට වලට සමාජය හොඳටම බැන්නා. ඒත් අද පසන් නිවසේ ආලින්දයට, රසඳුන හරහා "ඇගේ වෛරය" ගෙනාපු ලිංගිකත්වය කිසිම විරෝධයකින් තොරව අරගෙන එනවා. මේ තැනට සමාජය රැගෙන ආ මාවත අපිට අමතක කරන්න බෑ.  

මේ ප්‍රසිද්ධ කිරීම තුල පැරා විසින් ලිංගික ශ්‍රමිකයන්ගේ හිමිකම් ද මානව හිමිකම් ය  ලිපියේ සාකච්ඡා කල ඉතාම මානුෂීය ගැටළු කීපය තියෙනවා තමයි. ඒවා ගැන මොකද කරන්නෙ කියන එක අපි කල්පනා කරන්න ඕනෙ. නමුත් මෙතැන ලිංගික ශ්‍රමිකයින් හෝ ශ්‍රමිකාවියන් ඉන්නවානම්, අපි කරන්න ඕනෙ එයාලව ආයෙත් "ප්‍රසිද්ධියේ හංගන" එක නොවෙයි. එයාලත් එක්ක පෙනී ඉන්න එක. නිදහස වෙනුවෙන් එයාලත් එක්ක අත්වැල් බැඳගන්න එක.  එයාලගේ වෘත්තීය අයිතීන් දිනාගන්න උදව් කරන එක. ඒ විදිහට වෘත්තීය අයිතීන් දිනාගත්තු රටවල් කීපයක්ම තියෙනවනේ.

සමාජයට ප්‍රමිතීන් අවශ්‍යයි. ඒවා නිදහස දිනා ගැනීමේ ක්‍රියාදාමයක් තුල ගොඩනැගෙන්න ඉඩ හරිමු.

Visit our blog -  http://sanuwa.blogspot.com/

‘සුළඟ එනු පිණිස’ නැවත බැලීම

'යුදබිමක (හෝ පශ්චාත් යුද බිමක) තර්කානුකූල කිසිවක් නැත.'

http://raaroo.blogspot.com/2010/11/blog-post.html

අසම්පුර්ණවීම

ලාංකීය පිරිමින්ට මෙන්න ආතල් නං ආතල්....සඳුදා සිට ප්‍රදර්ශණයේ....

සියළු ලාංකීය පිරිමින්ගේ අවධානය පිණිසයි.
මෙන්න ඔබ පුල පුලා බලා සිටි අවස්ථාව.
ශ්‍රී ලංකා ජනරජය විසින් වේස නිළියන් යයි සැක කරනු ලබන කාන්තාවන් ඇතුළුව 83 දෙනෙකුගේ අති දුර්ලභ ඡායාරූප එකතුව.
ලබන සඳුදා සිට ස්වර්ණවාහිණී සහ ලංකාදීප ඇතුළු සියළු කුණු මාධ්‍යයන් ඔස්සේ.
දැන්ම සැරසෙන්න....
ස්ටාෆ් එකේ පිරිමින් හා එකතු වී හොඳම කෑල්ල තෝරන්න.
ගෙවල් අසල/අල්ලපු ගමේ/ආසනයේ එකියක නැතිනම් දිස්ත්‍රීක්කයේ එකියක වත් සිටිනවාදැයි සොයා බලන්න.
කැමති මූණක් තිබේනම් අවශ්‍ය පරිදි ඔලුව තුල සංස්කරණය කරගන්න.
අවශ්‍ය නම් තනියම හූල්ලන්න.
ඔබගේ පරණ කෑලි මේ ගොඩේ සිටීදැයි සැක හැර දැනගන්න.
අදම සැරසෙන්න.
කොන්දේසි
ඔවුන් මෙසේ ඇඳුම් ගැලෙව්වේ ඇයි දැයි ප්‍රසිද්ධියේ සාකච්ඡා කිරීම සදාචාරයට පටහැණිය.
"පෙම්වතුන් විසින් රවටන ලදුව වීඩියෝ හෝ ඡායාරූප ගත වූ" නමින් කැටගරියක් නැති බව සලකන්න.
මෙම ප්‍රදර්ශනයෙන් ඔවුන්ට හා ඔවුන්ගේ පවු‍ල්වල අයට සිදුවීමට නියමිත මානසික (ඇතැම්විට ශාරීරික) හිංසනයන් සඳහා වගකීමට ඔබ බැඳී නැත.
සැකකරුවන් සහ වරදකරුවන් යනු ලංකාව තුල එකය.

අවවාදයයි.
"ඔබගේ" ඇඳුම් ගැලවීමට පෙර දෙවරක් සිතන්න.
වැඩි විස්තර සඳහා මෙතැනට යන්න.
http://w3lanka.blogspot.com/2010/11/sex-workers-rights-are-also-human.html

සරසවිය

එක ඉඟුරු විස්කෝතුව බෙදාගෙන
පයිප්පෙට කට අල්ලලා තිබහ ඇරගත්
දොහක් තිබුණා මතක ඉව අල්ලන
ආයෙමත් යන්න දොල හිත පැන නැගෙන

සාමා අමර නැහැ දැන් හෝඩියක් කොහෙද!
වේවැලක් නැති ටියුෂන් මාස්ටර්
කැත කතා කියමින් නිදිමත එළවා දමන
ගුරු කොට ඉගෙන මෙහි පැමිණ

පිණි වැටුණ තණපත් නොපෑගෙන්නට
කහ පාට මැකෙන්නට කිට්ටු ගිළිහුණ මල් තලාවක
වේගයෙන් ඇවිදගෙන යන අතර
දඩ බිමක හුදෙකලා බව දැනේ ලේ සුවඳ පැතිරෙන

හිතුවක්කාරයා

දිය කෙළියට පසු

රංජනී, වතෙහි කහ ‍

සෝදලා සාරි ඇද

අඩ සඳට තිලක ලා

හිනහුනා ගෙළ නමා

පාතිමා, අත්ල පා

මරතෝඩි රටා දා

මොට්ටැක්කිලේ ලා

සඳ තවත් හැඩකළා

කුසුමලා, රේණුලා,

පොන්ඩ්ස් ලිප්ටික්ස් උලා

ගත ඩෙනිම් හිරෙහි ලා

හඬ නගයි හිනැහිලා

.................ගැමියා...............

මුවා මැරූ සලමන් - සංවාද කතිකාව

නිශ්ශංක විජේමාන්නගේ
මුවා මැරූ සලමන්

කෙටි කතා සංග්‍රහය පිළිබඳ
පාඨක-විචාරක සංවාදයක්

නොවැම්බර් 3 වැනිදා
ප.ව.6.30 ට
ලඬකා අක්ෂයේ දී
පැවැත්වේ.

සාහිත්‍ය විචාරක ජනක ඉනිමංකඩ එම සංවාද කතිකාව මෙහෙයවනු ඇත.

සැමට ආරාධනා!

ලඞකා අක්ෂය
187, කැටවලමුල්ල පටුමග, කොළඹ 09.
(කුප්පියාවත්ත පන්සල පිටුපස පටුමගේ 3 වන නිවස)
විස්තර සඳහා - 0112685725 අමතන්න.

ආනන්ද වර්ධන රසකතා

ආනන්ද වර්ධන දැන් රසකතා ලියන එක නවත්තලද කොහෙද. ඒකෙ අඩුපාඩුවක් මටනම් දැනෙනවා. පහුගිය දවසක ආනන්ද වර්ධනගේ "වෙබ් ආලෝචනා" අඩවියේ සාරවත් ලිපි ගොනුව අවුස්සගෙන යද්දි ෂෝක් කතා ටිකක් අහුවුනා. මේ මාර රොමෑන්ටික් කතාවට තමා මම කැමතිම. ඒ පෝස්ට් එකේ තව කතා දෙකක්ම තියෙනවා. (වෙලාවක් හොයාගෙන මේ අඩවිය ආපහු අවුස්සලා බලන්න. පාඩුවක් වෙන්නෙ නෑ)

---

තව දවසක්

මම ආයෙත් පයින්. ලයනල් වෙන්ඩ්ට් පරිශ්‍රය අසල. හදිසියේ ම මා ඉදිරිපිටට පැන්න ආරක්ෂක භටයා ගෙන් නියෝගයක්.

"හෙල්ලෙන්න එපා!"
මට මරණ භය මඳ පමණ දැනී නොදැනී ගියා.

දැන් ඔහු මගේ දිහා බලාන තුවක්කුව (ඒකත් අමුතුම ගැජට් එකක්) පහතට අල්ලගෙන සීරුවෙන්! අන්දමන්ද වුණු මමත් මිලිමීටරයක් වත් හෙල්ලුණේ නෑ. තත්පර ගණනාවක් ගෙවීගියා අවුරුදු තරම් දිගට.

"හෙල්ලෙන්නැතුව ඉන්න" ඔහු ආයෙත් කීවෙ මට අමතක වෙයි කියල වෙන්න ඇති. මට අමතක නෑ. අපි කීකරු පුරවැසියොනෙ. මමත් දිගටම හෙල්ලෙන්නැතුව හිටියා. මම පාරට පිටුපා පදික වේදිකාව උඩ ඔහු දිහා බලාගෙන. ඔහු මා දිහා බලාගෙන. එක්තරා විදිහක ප්‍රේමාන්විත ඉරියව්වක්! මට ලැජ්ජ හිතිල එයාගෙ ඇස් දෙකෙන් අහකට, අතේ තිබුණු තුවක්තුව දිහාට මගේ ඇස් පාත් කළා. මොන විකාර හේතුවකට මන්ද මට එතකොට ම "අපි තුන් මුල්ලටම වෙලා ඉමු මුහුණට මුහුණ බලා" කියන සින්දුවත් මතක් උණා. ඒත් ඒකටත් තුන් දෙනෙක් ඉන්න එපැයි කියල ආයෙත් කල්පනාවට ආවා.

එතකොට ම පිඹගෙන ගිගුම් දීගෙන ආ වාහන පේළියක් මට පිටිපස්සෙන් අපිව පහු කරගෙන යන හඬ ඇහුණා. ඒ මොකද්ද කියල බලන්න හිතුණත්, මම ඇස් දෙක තුවක්කුවෙන් අහකට ගත්තෙ නෑ. මං හිතන්නෙ මගෙ හිත තුවක්කුවට ඇදිල ගිය නිසා වෙන්න ඇති. වාහනවල හඬ නෑසී ගියා.

"හරි දැන් යන්ඩ"
මට නිදහස ලැබුණා.

http://webalochana.blogspot.com/