විවිධ

Powered by Blogger.

Wednesday, February 19, 2014

ඇනෝනිමස් ත්‍රස්තවාදයට එරෙහි වෙමු..!

වර්තමානයේ ඇනෝනිමස් කමෙන්ට්ස් ආශ්‍රයෙන් ඉතා දැඩි ලෙස බ්ලොග් ලියන්නන්/ලියන්නියන් හාස්‍යට ලක් කිරීමත් ඔවුනට පුද්ගලික මට්ටමෙන් පහර ගැසීමත් සිදුවනු දකින්නට ලැබේ. 

මෙය එක්තරා අන්දමක "Cyber Bullying" තත්ත්වයකි. දියුණු රටවල මෙය දඬුවම් ලැබිය හැකි වරදක් වන අතර ඒ සඳහා ගත හැකි නීතිමය ක්‍රියාමාර්ගද ඇත.

පීචන් වේවා ප්‍රබුද්ධ වේවා මොනයම්ම බ්ලොග් අඩවියක් පැවතීමට මුලිකවම බ්ලොග් ලියන්නන්/ලියන්නියන් සිටිය යුතුය.

සිංහල බ්ලොග් ලියන්නන්/ලියන්නියන් රැක ගැනීම සිංහල බ්ලොග් රසිකයන් ලෙස අපගේ යුතුකමකි. 

එනිසා,
 
සිංහල 
බ්ලොග් 
අවකාශයේ
ඇනෝනිමස් 
ත්‍රස්තවාදයට 
එරෙහි 
වෙමු..!

එයට විරුද්ධව ගත හැකි ක්‍රියාමාර්ග ගනිමු..!

 ප.ලි: කෙමෙන්ට්ස් වසා ඇත.

Monday, January 13, 2014

අපේ මිනිස්සු මෙච්චර ලේසියෙන් ඇඳගන්නේ ඇයි?

ලංකාවේ අපි ඈස්චර්යයන් විශ්වාස කිරීමේ කැමැත්තෝ වෙමු!

රැස් විහිදෙන බුදු පිළිම, බෝරුකෙන් මතුවෙන බුදු රූ, කෙම්මුර දිනයක ප්‍රාදූර්භූත වන කතරගම දෙවියෝ, කිරිබොන ගණදෙවි රූප ආදිය තැනින් තැන මතුවෙද්දි උපාසකම්මලා, උපාසක තාත්තලා වට්ටි පෙට්ටි කරේ තබාගෙන තම දුක කියාගෙන නොදන්නා ඈස්චර්යක් සොයා මේ ගස් ගල් සරණ යති.

අප නොදන්නා නොතේරෙන අත්භූත කුහුල දනවන දේ කරනා සහ කියන්නා වුන් අපේ විරුවන් වේ. උගතුන් බුද්ධිමතුන් විද්‍යාත්මකව කෙතරම් දේ කිවත්, සාක්ශි සහිතව ඔප්පු කර පෙන්නූවත් අපේ ජානගතව ඇති කුහුල අප මිථ්‍යාදෘශ්ටියේ ගිල්වයි. රාවණා, ෆෙන්ග්ශුයි, කේන්දර, නාත දෙවියෝ, දේවියන් සමඟ කතා කරන මිනිස්සු, අහසින් යන බබායිගා යකින්න අපි විශ්වාස කරන්නේ වන්දනා මාන කරන්නේ අති මහත් භක්තියෙනි. ඒ නිසාම අපි සුපිරි මිනිසුන්ගේ පස්සෙන් යාමට ඔවුන්ගේ අනුගාමිකයන් වීමට කැමැත්තෝ වෙමු [විජේවීර දෙවරක්, ප්‍රභාකරන් එක්වරක්  මේ ගුණාංගය තම ප්‍රයෝජනයට ගත්හ. මහින්ද මාමි සියදහස් වාරයක් මේ උපක්‍රමය ප්‍රායෝගිකව භාවිතා කරමින් සිටියි].

ලාංකික ටෙලිවිශනය මංජුල පිරීස්, ආසිරි වනිගරත්න, චන්ද්‍රසිරි බණ්ඩාර වැනි සමාන්‍ය මිනිසුන්ට නොතේරෙන අත්භූත දේ කරන "බොරුකාරයන්ගෙන්" පිරී ඇත්තේද අපේ මේ ජානගත දුර්වලතාවය නිසාය. ඔවුන් වන්දනා මාන කරනා ඔවුන් පසුපස යන පිරිස් බොහෝය. ස්වභාවයෙන්ම කම්මැලි ජාතියක් වන අප වෙහෙස මහන්සි වී ජිවිතය දියුණු කරගන්නවාට වඩා සාර්තකත්වයට ශෝර්ට් කට් සේවීම බොහෝ පහසු වීමද මෙයට එක හේතුවකි. කිසිදු ගහක් ගලක් නොවදිනා ලෝකයේ රටවල් දියුණුවේ හිණිපෙත්තටම නැඟ ඇත්තේ උපරිම මහන්සියෙන් වැඩ කිරීමෙන් බව ලාංකිකයා නොදනී [හෝ දන්නා වුවත් කම්මැලි කම නිසා නොදන්නා මෙන් හිදී].

අර වරක් කතන්දර සූරීන් කිවාක් මෙන් සිංහල බ්ලොග් අවකාශය යනුද අප ලාංකික සමාජයේ හරස් කඩකි [චාමි සෑමා වරක් කීවාක් මෙන් මෙය පෙර විකෘතිමය හරස් කඩක් වූවත් දැන් ඇත්තේ නියම හරස් කඩකි].  එසේනම් සිංහල බ්ලොග් අවකාශය තුළද රවටන්නෝ සහ රැවටෙන්නෝ බොහෝය.

න්‍යාෂ්ටික විද්‍යාඥඥයෙකුගේ චරිතය සිංහල බ්ලොග් අවකාශය තුළ රඟ දැක්වූ විදුර නම් "රස්තියාදුකාර දේශාඨකයා" වරක් චතූෂ තුෂර කුමාරයන්ට රාවණා ගුහාවක් ගැන කියා ලස්සන මල් මල් ගවුමක් අන්දවා ඔළුවේ මලක්ද ගැසීය. තව ඩිංගෙන් මාරතෙමේ රාවණා අදුන සොයා යනවා සත්තය. ටිකක් හිනාවෙන ගොඩක් අන්දන අභීත තෙමේ අප සිංහ ඉන්දික උපශාන්ත තෙමේ හට කොට කලිසමක් අන්දවා, පියරු දමා, මල් ලෙන්සුවක් ශර්ට් එකේ ගැසුවේය. මින් පෙර පිළිකාවක් වැළදී සිටි නංගිලා බලා ගත් දිල් අක්කලාත්, දෝරේ ගලනා ස්නේහයෙන් කවි ලියා නංගිලාට හෝටල් කාමරවල මල් පැලඳු අයියලාත් සිටියා මතකයේ තිබේ.

මේ හැමදෙයක් අවසානයේ අපට ඉතිරිවන්නේ මෙවන් පැනයකි. "අපේ මිනිස්සු මෙච්චර ලේසියෙන් ඇඳගන්නේ ඇයි?"

එයට "විනිවිද" බ්ලොග් අඩවියේ කතුතුමා මෙසේ පිළිතුරු සොයන්නට උත්සාහ ගනි.

"විනිවිද" බ්ලොග් අඩවියෙන් උපුටා පළ කෙරේ.



"අපේ මිනිස්සු මෙච්චර ලේසියෙන් ඇඳගන්නේ ඇයි?"

මේක මට සහන් ගැන විතරක් එන ප්‍රශ්නයක් නෙවෙයි. ඇයි අපේ මිනිස්සු මෙච්චර ලේසියෙන් අන්දන්න පුලුවන්?

1. මගෙ හිතේ විචාර බුද්ධිය කියන එක බල්ලට ගිහින්.

උදාහරණයක් හැටියට සහන් කරපු බිල්ඩිං කොස්ට් එස්ටිමේෂන් එක අරන් බලමු. සහන් මුලින් ම පටන් ගන්නෙ වර්ග අඩියක වියදම හොයන්නෙ වර්ග අඩියක් පොලවයි, වටේ හතර පැත්තෙන් බිත්තියි කියලා.
ඊට පස්සෙ මහා ලොකු ගානක් වගේ හදල පෙන්නනව වර්ගඵලේ ලොකු වෙන්න ලොකු වෙන්න ඒකක වර්ග අඩියක කොස්ට් එක අඩු වෙනව කියලා.
මෙතන මහ ලොකු දෙයක් තියෙද? අර මුලින් ගත්ත A කියන එක වගේ හතර ගුනයක් වියදම් වෙන්න නම් හැදෙන්න ඕන පහළ තියන B වගේ එකක් නෙවෙයි A වගේ හතරක් තියන C වගේ එකක්, ඊට වඩා බිත්ති අඩු නිසා B හදන්න යන්න ඕන අඩු වියදමක් කියන්න මහා මොළයක් ඕනෙ ද?

building
මේක පහේ පන්තියෙ පොඩි එකෙක්ට උනත් තේරෙන දෙයක් නෙ? මට හිතෙන්නෙ ඔය වගේ දෙවල් ශිෂ්‍යත්වෙටත් ආවා!


දැන් සහන් මේක ආලවට්ටම් දාල ගනන් හදල පෙන්නනව, A හදන්න ගියා වගේ හතර ගුණයක් යන්නෙ නැහැ කියල B හදන්න. අපේ අයත් “සරලව කියා දුන්න, නියමෙට තේරුණා” කියනව! සමහරු සහන් ෂර්ලොක් හෝම්ස් ටත් සමාන කරනව, මිනිසුන්ට නොතේරෙන දෙයක් සරළව කියල දුන්නම මිනිස්සුම කියනව කියල “ඕක මහ ලොකු දෙයක් නෙවෙයි නෙ” කියල!!!!
ඕයි ඕක මහ ලොකු දෙයක් නෙවෙයි තමයි කොහොමත්, තමුසෙලාට සහන් කියල දෙනකන් නොතේරුනාට. මම කියන එක සැක නම් ගිහින් මේසන් බාස් කෙනෙක් ගෙන් අහල බලනව, A/B දෙක පෙන්නලා A වගෙ හතරක් යනවද B හදන්න කියලා, CEO ල ඕනෙ නෑ. හිනාවෙලා කියල දේවි “මහත්තය එහෙම ගනන් හදන්න බෑනෙ, බිත්ති වල වියදම දෙගුණයයි පොලව හතර ගුණයයි” කියල.
සහන් පෙන්නන්නෙ නම් මේව QS ල දන්නෙ නෑ, එයාලට B හදන්න කිව්වොත් එයාල කරන්නෙ A අරන් හතරෙන් වැඩි කරන එක වගේ. ඒ මිනිස්සු සහන් විතර මෝඩ නෑ, ඒක පරණ, තෙම්පරාදු උනු ෆීල්ඩ් එකක්. සහන් හිතන විදියට නෙවෙයි ඒ මිනිස්සු බිල්ඩිං ගානක අත්දැකීම් වලින් එන සාමාන්‍ය අගයක් ගන්නෙ දළ ඇස්තමේන්තුවකදි.
පොඩි දෙයක් මොළේට කල්පනා වුනහම, “අම්මට සිරි මේක මාර සිරා, මට කලින් මේක කාටවත් කල්පනා වෙලා නැතිව ඇති” කියල හිතන්නෙ ලිඳේ ඉන්න ගෙම්බො වගේ මෝඩයො. එහෙම උන් තමයි ඔය අවුරුද්දකට පාරක් විතර පත්තරේ යන්නෙ වතුරෙන් දුවන කාර්, ඉබේ දුවන මැෂින් හදන හැටි හොයා ගත්ත කියල. සති දෙකෙන් කාර් එකත් මිසිං, මිනිහත් මිසිං.

විචාර බුද්ධියෙන් හිතන්න. අන්තිම සරළ දේවල් මහා ලොකු රහස් වගේ කෙනෙක් කියන කොට ඇත්තටම ඒව මහ ලොකු දේවල් කියල නොගෙන හිතන්න මේක ඇත්තටම මහ ලොකු දෙයක් ද එහෙම නැත්නම් නැති ආලවට්ටං දාල කියන කතන්දරයක් ද කියලා. මිනිහෙක් “මේක තේරෙන්නෙ CEO ලට විතරයි” කියලා 2+2=4 කිව්වහම නිකන් මී හරක් වගේ ඇඳ ගන්න එපා “අම්මට හුඩු හතරයි නේන්නම්, මේක සරළව කියල දුන්නට ස්තුතියි” කියල. දෙකයි දෙකයි හතරයි කියන එක පොඩි උනුත් දන්නව ඇත්තටම ඔයාලත් දන්නව අර “CEO” ගෙ ටෝක් එකට ඔයාල ඇඳ ගත්තට.
මේ කියවන කී දෙනෙක්ට පුලුවන් ද පූර්ණ වර්ගයක් නොවෙන ධන පූර්ණ සංඛ්‍යාවක වර්ගමූලෙ දශමස්ථාන දෙකකට හොයන්න? මගෙ හිතේ ගොඩක් දෙනෙක්ට බැරුව ඇති. (සමහරුන්ට මොකක්ද කිව්වෙ කියල වත් නොතේරෙන්න ඇති.)
දැන් කෙනෙක් එනව අවුරුදු විස්සක විතර, හොයල පෙන්නනව. ඔයාල හිතන්නෙ “ශහ්! මෙයා නම් මාර ම මැත්ස් එක්ස්පර්ට් කෙනෙක්” කියලා.
එයා එහෙම එක්ස්පර්ට් කෙනෙක් වෙන්න ඕනෙ නෑ. ඒ ට්‍රික් එක ගනන් වලට උගන්නන්නෙ ඕ ලෙවල් පන්තියෙදි. ඒ අවුරුදු විසි ගානෙ පොර පෙන්නුවෙ අවුරුදු දාසයේ ලමයෙක් දැනගන්න ඕන කියල සම්මත දෙයක්.

ඔබට ඒක අමතක වූ පලියට ඒක මහා මැජික් එකක් වෙන්නෙ නෑ. ඒක ඕ ලෙවල් කතාවක්. නිකන් ඇඳ ගන්න එපා.

2. අනුකම්පාව

කොලඹ හිඟන්නො පාලනේ වෙන්නෙ සින්ඩිකේට් වලින්. “ඉන්කෝපරේටඩ්” නැති “ෆ්රී ලාන්ස්” හිඟන්නො ඉන්නෙ බොහොම ටික දෙනයි. හිඟන්නෙක් බොහෝ විට මාසෙට සාමාන්‍ය ලිපිකරුවෙක් ගේ පඩියට වැඩි ගානක් හොයන බවත් ප්‍රසිද්ධ රහසක්.
ලංකාවෙ එහෙම වෙන්නෙ ඇයි?
බොරු බටයක් සරම අස්සෙ ගහන්, බෑග් එකක් එල්ල ගත්තු ගමන් අපිට උනු වෙන නිසා, “මේ යකා හොරෙක් වෙන්න පුලුවන් ද” කියන එක ඕවර්රයිඩ් වෙලා, “පව් නෙ වැරදිලාවත් ඇත්ත උනොත්” කියන එක උඩට එන නිසා. එතනින් එහාට තනියම උනත් “දෙන්න නරකයි හොරෙක්” කියල හිතන්න අපිට මහා වරදකාරී හැඟීමක් එන්නෙ. ඉතින් ඇත්ත ලෙඩ්ඩු 1% කුයි, හොරු 99% කුයි අපෙන් ලෝස් නැතුව ගරනව.
මේක ගැන මට මේ වෙලාවෙ කියන්න පුලුවන් මෙච්චරයි. විචාර බුද්ධියයි ගූග්ල් පොඩ්ඩකුයි තියන අයට මතුපිටින් නොපෙනෙන කතා දැන ගන්න පුලුවන් වේවි.

3. ලොකු කම් වලට, පොර ටෝක් වලට, ජාන ගතව ඇති බය

අපේ මිනිස්සු ලොකු කම් වලට මාර ආසයි, ලොක්කොන්ට ඒ වගෙම බයයි. මම හෙන පොරක්, අරහෙමයි මෙහෙමයි කිව්වොත් අනික් අයත් නිකන් ම හිතන්නෙ “අම්මට සිරි මෙහෙම කෙනෙක් අපේ ලෙවල් එකට එන එක අපිටත් කොච්චර වාසනාවක් ද” කියල.
ඔය මහින්ද එක්ක එකට ෆොටෝ එකක් අරන් තියෙන එකෙක්ට ලංකාවෙ ගොඩක් උන්ට අර දෙකට නවල කරන වැඩේ උනත් කරල, පොලු තියල යන්න පුලුවන් ඒකයි. “මම අහවලා ගෙ සෙකට්‍රි” කියල අඩු ගානෙ අයිඩෙන්ටි එකක් වත් නැති උන් එක එකාගෙන් සල්ලි අරන් මාරු වෙන ඒව පත්තර වල දවස ගානෙ යන්නෙ ඒකයි. “මේ අද උදෙත් මහින්ද මහත්තය කෝල් කරා” වගෙ ටෝක් එකක් දෙකක් දුන්නම ඇති අපේ උන් හිතන්නෙ “හපෝ අයිඩෙන්ටි ඉල්ලන්න ගිහින් මේ වටින මනුස්සය තරහ උනොත්” කියල!

මේකත් හිතන්න.

මේ  සමහර හොරු ලොකු කරන්නෙ අපි මයි. ගොඩක් උන් බ්ලොග් පටන් ගන්නෙ බොහොම දෙකට නැවිල සාමදාන ඩයල් වගේ. පොඩි කෑල්ලක් දෙකක් දාපු ගමන් “මාරයි නෙ මල්ලි, ඔයා නම් පහල වෙලා තියෙන්නෙ ජාතියෙ පිනට” කියලා උඩ දාන්න ගත්තම මේ කොහෙන් හරි ඉන්ෆොමේෂන් ටිකක් අරන් පොඩි ලිපියක් දාපු එකාටත් හිතෙනව යකෝ ඇත්තටම මුන් අතරෙ මම මාර පොරක් නේද කියල. කපටියෙක් නම් “මුන්ව නියමෙට අන්දන්න පුලුවන්” කියල හිතෙනව, මෝඩයෙක් නම් “ඇත්තටම මම සිරා පොරක්” කියල හීන ලෝකෙකට යනව. කපටිකමයි මෝඩකමයි දෙකම තියෙන උන්ට ඔය ලක්ෂන දෙකම එනව.
අන්තිමට බලන කොට මේ වේලි වේලි හිටපු අහිංසක ඩයල් හිටි ගමන් සකලවිධ විද්‍යා වල කෙළ පැමිණි පොරවල් වෙලා! නිකන්ම දන්නව විතරකුත් නෙවෙයි CEO ල සැටලයිට් සයන්ටිස්ට් ල ගානට! එන්න එන්න රැස්පොට් වැඩි වෙලා, “මට කියල දෙන්න එන්න එපා” ගානට එනව!

මින් පසුවවත් කටෙන් ගිනි පිට කරන, වැලි මිරිකා වතුර ගන්න, බුදු රැස් විහිදෙන සුපිරි මිනිසුන් විශ්වාස කරන්නට කලියෙන් තම විචාර බුද්ධියෙන්, එළඹි සිහියෙන් සිතා බලන්න.

ප.ලි: දැන් ඊළඟට එන ප්‍රශ්නයක් තමයි; "ඇයි උඹ එහෙනම් විදුර වෙනුවෙන් පෙනී හිටියේ?" කියන එක. අපි ඒ සංවාදය දෙවැනි වටයට අරන් යමු.

Sunday, December 1, 2013

කවුද බොලේ මේ හුළා..? Who the f#@k is this Hula..?

ලංකාවේ දිශානතිය වෙනස් වී තිබේ. වමට සිග්නල් දැමූ මහින්ද මාමි දකුණට ගමන් ගනිමින් සිටී. 

මේ සංක්‍රාණ්ති සමය ගැන මට ඇත්තේ දෙවර්ගයක සතුටකි. පළමු වැන්න අවංක සතුටකි, දෙවනුව ඇත්තේ කාළකණ්නි සතුටකි. අවංක සතුට මහින්ද මාමි රනිලම් අන්කල්ටත් වඩා ලිබරල් වී ගෙන එන නිසාය. කැසීනෝ දමා, රෙඩ් ලයිට් දිස්ට්‍රික්ට් දමා ෆුල් රොක් කරන්නට යන නිසාය. කාළකණ්නි සතුටක් ඇත්තේ මහින්ද චින්තය කර මත තබාගෙන ධර්ම රාජ්‍යයකට ලංකාව ගෙන යන්නට දත කෑ උන්ට මහින්ද මාමි හොඳම එකෙන් තියා අරින නිසාය [භාශාව ගැන කමා කරනු මැන, මේ ලියන්නේ ෆුල්ම ආතල් එකකිනි]. අවසාන ගණනයේදි පැරදී ඇත්තේ ඔවුන්ය.

මහින්ද මාමි; ඔහොම යන් ඔහොම යන්..!

කවුරු නැතත් මහින්ද මාමි ඔයාට අපි ඉන්නවා..!


සටහන: මහින්ද මාමිගේ "මහින්ද චින්තනය" අච්චු ගැසූ "දිවයින" පුවත් පතේ පළවුන පහත ලිපිය ඉහත මා ලියු විස්තරය සමඟ කිසිදු සම්බන්ධයක් නැති බව කරුණාවෙන් සළකන්න.


--------------


සලාකා සූදු පොළ ගැන නෙත්ති කුමාර ඇත්තම කියයි

සූදු පිටියක්‌ වැටලූ පොලිස්‌ නිලධාරීන් විසි තුන් දෙනකු බලවත් හස්‌තයක්‌ මගින් මාරු කිරීම සම්බන්ධව අපට විරෝධයක්‌ තිබේ. ඒ සම්බන්ධව මාධ්‍ය සතු කාර්යභාරය ඉටු කිරීම සඳහා අප ගිය ගමනකදී ඔහු අපට හමුවිය. ගාමිණි නෙත්තිකුමාර ප්‍රසිද්ධ ව්‍යාපාරිකයෙකි. විවෘත ආර්ථිකය ශ්‍රී ලංකාවේ ඇරඹි මුල් මොහොතේ ඔහු සිය ව්‍යාපාරය ආරම්භ කළේය. දිනකට රූපවාහිනි ලොරි තුනක්‌ පමණ, අත්ඔරලෝසු දහස්‌ ගණනක්‌ ඔහුගේ ව්‍යාපාරය විසින් විකුණනු ලැබීය. ප්‍රථම නියෝජිත තැපැල් ආයතනය ආරම්භ කරන්නේද ඔහුය. සූදු පිටිය සම්බන්ධයෙන් ඔහු සතු කතාවක්‌ තිබේ. එම කතාව සමග ඔහුගේ පවුල් ජීවිතයේ ද සම්බන්ධයක්‌ තිබේ. ඔහුගේ දරුවන් තිදෙනාගේ ද සම්බන්ධයක්‌ තිබේ.


අපට අදාළ වන්නේ බලහත්කාරී පොලිස්‌ මාරුව ගැන කතා කිරීම පමණක්‌ වුවත්, ඒ කතාවේ එක්‌ තැනකදී ගාමිණි නෙත්තිකුමාරගේ හා ඔහුගේ දරුවන් තිදෙනාගේ ජීවිතය ද ඊට සම්බන්ධය. මේ කතාවේදී ඔවුන් ගැන කියන කාරණා, ඔවුන්ගේ පෞද්ගලික ජීවිතයේ අගතියක්‌ සඳහා හේතු නොවේවා යන පැතුම අපටත්, පාඨක ඔබටත් තිබිය යුතුය. තමාට වූ අඩුපාඩුවත්, සමාජයේ ගරා වැටීමත් වෙනුවෙන් ගාමිණි නෙත්තිකුමාර සියලු කාරණා නොවලහා අපට ප්‍රකාශ කළේය. තීරණයන්ට යටත් වාර්තාකරණයක්‌ ලෙස අප එය පළ කරමු. අනුන්ගේ පෞද්ගලික ජීවිතයේ කුණු, රස විඳිනා මාධ්‍යකරණයක්‌ අපට නැතුවා මෙන්ම, විවෘතව කතා බහ කළ ගාමිණි නෙත්තිකුමාරට පාරාවළල්ලක්‌ බවට එම සංවාදය පත් නොවීමේ වගකීම ද අප හා ඔබ සතුය. ඒ සියල්ල සිහියේ තබාගෙන හුලාගේ කතාවේ තවත් කොටසක්‌ ඔබට ඉදිරිපත් කරමු.

සලාකා කිව්වත්, සෙංකඩ කිව්වත් ඉතා ප්‍රසිද්ධයි. කොහොමද ඔබේ ව්‍යාපාරවල ස්‌වභාවය?

වරදක්‌ නැහැ. හොඳින් කෙරීගෙන යනවා

හොඳින් කෙරීගෙන යන්නේ කෑම ව්‍යාපාරය ද නැත්නම් සූදු ව්‍යාපාරයද?

ඇයි ඕව මගෙන් අහන්නේ (සිනාසෙමින්) මම නොකළ වරදක්‌ ගැන කොහොමද උත්තර දෙන්නේ.

ඒ කියන්නේ ඔබ මේ සූදු ව්‍යාපාරයේ කොටස්‌කරුවෙක්‌ නොවෙයිද?

නැහැ. ඒක අයිති අපේ පවුලට සම්බන්ධ වෙනත් නෙත්ති කුමාර කෙනකුට. ඒ කාන්තාවක්‌.

ඇය ඔබේ කවුද?

මගේ නෑනා කෙනෙක්‌. ඇය අපේ සහෝදරයකු හා විවාහ වුණ කෙනෙක්‌.

නමුත් සුදුව කෙරෙන්නේ ඔබේ තැනකනේ?

නැහැ. ඔය කියන තැන තියෙන්නේ සලාකා එකට ටිකක්‌ එහායින් (ඉබ්බන්වල දෙසට). මේක අද ඊයේ පටන් ගත්ත දෙයක්‌ නෙමෙයි. දැන් අවුරුදු දහයක පහළොවක විතර ඉඳන් කරගෙන එන දෙයක්‌. මෙතනට පොලිසියෙන් පැනල මිනිස්‌සුන්වයි බඩුයි බස්‌වල ලොරිවල දාගෙන යන එකත් අලුත් දෙයක්‌ නෙමෙයි. ඒව මෙතනට බොහෝම හුරුපුරුදුයි. ඊට පස්‌සේ ආරංචි එනවා උසාවියේදී දඩ ගහල තිබුණු බඩු රාජසන්තක කළා කියලා. දවස්‌ දෙක තුනකට පස්‌සේ ආයෙත් සූදුව කලින් වගේම කෙරෙනවා. මේක තමයි සාමාන්‍ය තත්ත්වය.

ඇයි වැරදිකරුවන්ට දඬුවම් ලැබෙන්නේ නැද්ද?

මගේ නෑනා මෙය කරගෙන යන්නේ අමුතුම ක්‍රමයකට. එයා මේ සූදු පිටිය සේවකයකුගේ නමට කුලියට දීලයි තියෙන්නේ. ඒක නාමිකව වෙන දෙයක්‌. හැමදාම පොලිසියෙන් අල්ලන්නේ ඒ සේවකයාව. හැමදාම හවසට අපේ නෑනට ලක්‍ෂ විස්‌සක විතර ශුද්ධ ලාභයක්‌ එකතු වෙනවා.

මොකක්‌ද මේ සූදුවේ ස්‌වභාවය?

මේකට කියන්නේ රුචිනෝ කියලා. කෙලින්ම මුදල් දාලා කරන සූදුවක්‌. ඊට අමතරව කැසිනෝත් තියෙනවා.

ඔබත් ගිහින් තියෙනවද?

මම සුරා සූදුවෙන් තොර කෙනෙක්‌. නමුත් මේ ගැන මා දන්නවා. ඔය ස්‌ථානයේ මගේත් මල්ලිගේත් කොටස්‌ තියෙනවා. සූදු පිටිය තිබෙන්නේ අයියට අයිති කොටසේ. ඒක සම්පූර්ණයෙන්ම නීති විරෝධී ව්‍යාපාරයක්‌.

නමුත් මේ සූදු ව්‍යාපාරයත් සමග ප්‍රසිද්ධ වෙන්නේ ඔබේ බිරිඳගේ නම?

ඒක ඇත්ත. ඇය මේ වැඩවලට සම්බන්ධ වෙන්නේ මේ මෑතක.

ඒ කොහොමද?

මගේ බිරිඳ පසුගිය කාලේ අපේ ව්‍යාපාර ප්‍රතිපත්තිවලට පටහැනි විදිහට මුදල් රැස්‌ කළා. ඒ අතර ඇය විශාල ලෙස මුදල් පොලියට දීමේ ව්‍යාපාරයකුත් පවත්වාගෙන ගියා. ඒකට එයාගේ යාළුවෝ වගේම සමහර ඇමැතිවරුන්ගේ බිරින්ඳෑවරුත් විශාල ලෙස මුදල් දැම්මා. ඒත් මේ සියල්ල අතරමග කඩා වැටුණා. ඊට පස්‌සේ මිනිස්‌සු සල්ලි ඉල්ලගෙන අපේ ගෙදරට එන්න ගත්තා. සමහරු නඩු දැම්මා. එතනදී එයාගේ ආරක්‍ෂාවට තමයි හුලා ව ආශ්‍රය කරන්න ගත්තේ. මේ දෙන්නව මුණගස්‌වන්නෙත් සල්ලි පොලියට දෙන මගේ බිරිඳගේම යාළුවෙක්‌. ඒ මුල්ම කාලේ හුලා මටත් කියල තියෙනවා එක එක්‌කෙනාට ඕන විදිහට නටන්න දෙන්න බැහැ, අපි ඔයාගේ වයිµaව බේරාගන්න ඕන කියලා. එතැනින් පස්‌සේ තමයි අපේ පවුල් ජීවිත අවුල්වෙලා මේ හැම දෙයක්‌ම වුණේ.

දේශප්‍රේමී විමල් සහෝදරයාගේ ප්‍රිය භාර්යාවගේ සම නිශ්පාදනයක්
ඔබේ බිරිඳ සූදු පිටියට සම්බන්ධ වුණු විදිහ කියවුණේ නැහැ?

මේ වෙනකොට හුලා නමැති පුද්ගලයා සහ මගේ බිරිඳ අතර තිබෙන අනියම් ප්‍රේම සම්බන්ධය පටන් අරගෙන ඉවරයි. ඒ දෙන්නාගෙන් වැඩිම ප්‍රයෝජනය ගත්තේ මගේ නෑනා නෙත්ති කුමාර. කාලයක්‌ අපිත් එක්‌ක තරහවෙලා ඉඳපු නෑනා මගේ බිරිඳත් එක්‌ක යාළුවෙලා බිරිඳව එයාගේ ව්‍යාපාරවලට සම්බන්ධ කරගන්නවා. එතනදී හුලාගේ මාර්ගයෙන් විශාල ආරක්‍ෂාවක්‌ සූදු පිටියට ලැබෙනවා.

ඔබ කොහොමද කියන්නේ ඔබේ බිරිඳට එවැනි අනියම් සම්බන්ධයක්‌ තිබෙන බව. ඔබට ඒ සඳහා සාක්‍ෂි තිබෙනවද? මේ චෝදනා ඉතා බරපතළයි?

මේ ගැන මට වඩා හොඳින් දන්නේ කවුද? මේ දෙන්නගේ සම්බන්ධය ඔප්පු කරන්න අවශ්‍ය ප්‍රමාණයටත් වඩා සාක්‍ෂි මා ළඟ තියෙනවා. ඒ දෙන්න මධුසමය ගත කළ හඬ පටය පවා මා ළඟ තියෙනවා. අහල බලන්න මාව විශ්වාස නැත්නම්. (ඔහු අපට හඬ පටයක්‌ ඇසීමට සලස්‌වයි. එය වෙනත් කෙනකුගේ පුද්ගලික ජීවිතයකට අයිති දෙයක්‌ බැවින් අප එය ක්‍රියා විරහිත කරන මෙන් ඉල්ලා සිටියෙමු.) මේ විතරක්‌ නෙමෙයි ඡායාරූප පවා මා ළඟ තියෙනවා.


කවුද මේ හුළා..?

මේ සම්බන්ධයට කොච්චර කල්ද?

දෙදහස්‌ එකොළහ වසරේ අග හරියෙදි විතර තමයි මේ තත්ත්වය ඇති වුණේ. එදා ඉඳන් මටත් දරුවන්ටත් අපේ නිවස අපායක්‌ වුණා. දැන් දරුවො ලොකුයි. ලොකු දුව කසාදත් බැඳලා. අපිට ගොඩක්‌ කරදර වුණා. ඉවසල ඉවසල බැරිම තැන දරුවෝ ගිහින් පොලිසියේ පැමිණිල්ලක්‌ දැම්මා. ඒක විභාග කරන්නවත් පොලිසියෙන් ආවේ නැහැ.

ඇයි ඒ?

ඔය හුලා කියන පුද්ගලයට තිබුණ අසීමිත බලය තමයි ඒකට හේතුව.

ඔබ කියන විදිහට බිරිඳගෙන් එතරම් කරදර තිබුණා නම් ඔබට දික්‌කසාද වෙන්න තිබුණනේ?

මම දැන් තමයි දරුවොත් එක්‌ක කතා කරලා ඒ ගැන වැඩකටයුතු කරගෙන යන්නේ. පුළුවන් උපරිමය ඉවසුවා. පසුගිය කාලේ අපේ ගෙදර පුංචි කතාබහක්‌ ඇති වුණත් ටික වේලාවක්‌ යනකොට පොලිසියේ පනහක්‌ විතර ඇවිත් ඒ පැත්තම වට කරනවා. එහෙම එන්නෙත් පොලිසියේ උසස්‌ නිලධාරීන්. මේ පුද්ගලයා නිතරම මගේ නිවසට යන්න එන්න ගත්තහම අපිට විතරක්‌ නොමෙයි අවට අයටත් ලොකු කරදරයක්‌ වුණා. එස්‌.ටී.එµa. එකයි එයාලගේ ඩිෙµන්ඩර් රථයි දාල මුළු පාරම අවහිර කරනවා. ඒ වෙලාවට අපිට හරි ලැඡ්ජයි. (ඔහු මද වේලාවක්‌ නිසොල්මනේ අප දෙස බලා සිට යළි තම කතාව අරඹයි) බැරිම තැන ළමයි තුන්දෙනා එයාට කියලා තිබුණ ගෙදරට එන්න එපා කියලා. මමත් හුලාගේ කාර්යාලයට ගිහින් ඒකම කිව්වා.

ඊට පස්‌සේ මොකද වුණේ?

ගෙදරට ආවේ නැහැ. මහ රෑටයි, දවල්ටයි ඕන ඕන වෙලාවට ගේ ළඟට ඇවිත් බිරිඳව ගෙනත් බස්‌ස වන්න, එක්‌ක යන්න එනවා. ඊට පස්‌සේ මගේම නිවසට මගේ කිසිම අවසරයක්‌ නැතුව පුද්ගලික ආරක්‍ෂක සේවයක්‌ දැම්මා. අන්තිමට මටත් එයාලගේ අවසරය ගන්න වුණා යන්න එන්න. මේ සියලු දේට වියදම් කරන්නේ රාජ්‍ය ආයතනවල මුදල් කියලයි මට හිතෙන්නේ.

ඔබ සහ ඔබේ නෑනා වන නෙත්ති කුමාර මහත්මිය අතර ආරවුලක්‌ තිබෙනවද?

ඔව්. නෑනාගේ නීති විරෝධී වැඩ නිසා මා ඇයත් සමග කිසිම ආශ්‍රයක්‌ තිබුණේ නැහැ. ඒකනේ මට විරුද්ධව බිරිඳයි නෑනයි එකතු වෙන්නේ. මගේ ව්‍යාපාර කඩාකප්පල් කරන්න ඒ අය ලොකු වෙහෙසක්‌ ගන්නවා. හුලා ඒ අයත් එක්‌ක ඉන්න එක එයාලට ලොකු ශක්‌තියක්‌ වුණා. ඒ තුන්දෙනා නිතර නිතර විනෝද සවාරි යන තරමට මිතුරු වුණා. මේ ළඟදී නුවරත් ගිහින් තිබුණා. මේ වගේ තත්ත්වයක්‌ තියෙන වෙලාවක තමයි සූදු පිටිය පොලිසියෙන් වැටලුවේත්, එම නිලධාරීන්ට ස්‌ථාන මාරුවීම් දීල ඔය කියන ජරමරය වුණේත්.

නමුත් හුලා මාධ්‍යයට පවසා තිබුණේ ඔබේ බිරිඳත් එක්‌ක තිබෙන්නේ මිත්‍රත්වයක්‌ පමණක්‌ බවයි?

යාළුකම කොහොම එකක්‌ද කියල හරියටම දන්නේ මමනේ. මමනේ මගේ බිරිඳගේ ස්‌වාමිපුරුෂයා. ඒකයි මම කලිනුත් කිව්වේ එහෙම නැහැ කියනවා නම් ඒකට අවශ්‍ය වීඩියෝ පට සහ හඬ පට මා ළඟ තියෙනවා කියලා. ඊටත් එහා ගිය ගොඩක්‌ සාක්‍ෂි මා ළඟ තියෙනවා. නමුත් ඒ හැම දෙයක්‌ම මට මාධ්‍යයට කියන්න බැහැ. ඒ නිසා වැඩිය ඕනෙ නැහැ. එයාගෙන් අහන්න හනිමුන් එකට හෝකන්දර ගියා නේද කියලා. ඒ ඇති. ඉතුරු ටික එයා දන්නවා.

ඔබතුමා ඔහොම චෝදනා කළාට ඔහුටත් පවුල් ජීවිතයක්‌ තියෙනවා. ඒ පැත්තෙන් මෙවැනි චෝදනා දැන ගන්න නැහැ?

මොකද නැත්තේ. බිරිඳගෙ අනියම් සම්බන්ධය ගැන මට මුලින්ම කිව්වේ හුලාගේ බිරිඳගේ ඥතියෙක්‌. ඒ ගෙවල්වලත් මේ ප්‍රශ්නම තියෙනවා.

(අප කතා කළ මේ බොහෝ දේ ඔබ සහ ඔබේ පවුල මත තිබෙන පෞද්ගලික ආරවුල්. මාධ්‍යයක්‌ විදිහට අපට ඒ සඳහා මැදිහත්වීමට එතරම් අවශ්‍යතාවක්‌ නැහැ. නමුත් අපට වෙනත් ගැටලුවක්‌ තිබෙනවා. ඒ තමයි මේ රටේ නීතිය පිළිබඳව තිබෙන ගැටලුව)

පසුගිය දවස්‌වල නැවතත් සූදු පිටිය පොලිසියෙන් වැටලුවනේ. දැන් එතන තත්ත්වේ මොකක්‌ද?

මේ සිදුවීමේදී මගේ නම තමයි ගොඩක්‌ම කැත වුණේ. සලාකා එකේ දෙවැනි

තට්‌ටුවේ මේ සූදු පිටිය තිබුණ කියලනේ රටේම ප්‍රසිද්ධ වුණේ. මම යන එන තැන්වලදී මිනිස්‌සු මා දිහා වපර ඇහින් බලන්න ගත්තා. බැරිම තැන මම පොලිසියට ගිහින් කිව්වා මෙන්න මේ වගේ ප්‍රශ්නයක්‌ ඇතිවෙලා තියෙනවා. ඒ නිසා කරුණා කරලා සූදු පිටියේ අයිතිකාරයගේ නම තවත් හංගගෙන ඉන්නේ නැතිව එළියට දාන්න කියලා. ඔවුන් 'ඕකේ' කියලා ඒක පිළිගත්තා. නමුත් මේ මොහොත වෙනකම් ඒක වුණේ නැහැ. ඒ විතරක්‌ නෙමෙයි දැන් අවුරුදු දහයක්‌ පහළවක්‌ තිස්‌සේ මේ සම්බන්ධයෙන් හෝ වෙනත් අයථා වැඩ කරමින් ඉන්න මගේ නෑනගේ නම කවදාවත් එළියට ඇවිත් නැහැ.

ලස්‌සනම වැඩේ කියන්නේ, සූදු පිටියෙ නඩු විභාගය තිබුණේ පසුගිය විසිපස්‌ වැනිදා. ඒත් හුලා මහත්තයා විසිහතර වැනිදා මාධ්‍යයෙන් කියනවා මේ සූදු පිටිය පවත්වාගෙන ගියේ එතන හිටපු මැනේජර් කෙනෙක්‌ කියල අධිකරණය තීන්දු කරල තියෙනවා කියලා. මෙයා අධිකරණයේ තීන්දුව කලින්ම දන්නේ කොහොමද? ටිකක්‌ හිතල බලන්න මේක කොච්චර බරපතළ කාරණයක්‌ ද කියලා.



ඔබ ඔය චෝදනා කරන හුලා මහතා මේ රටේ පැවැති යුද්ධයේ අවසන් කාලයේදී විශාල මෙහෙවරක්‌ කළ බවට ඇතැම් අය පවසනවා. ඔබ, මේ ඔහුට විරුද්ධව එල්ල කරන මඩ ප්‍රහාරයක්‌ වෙන්න බැරිද?

මේ සූදු පිටිය වැටලූ ප්‍රශ්නයත්, එම පොලිස්‌ නිලධාරීන්ට හදිසි ස්‌ථාන මාරුවීම් දීපු ප්‍රශ්නයත් මුල්වරට මා දකින්නේ මාධ්‍යයෙන්. ඒ නිසා ඒක කොහොමද වුණේ කියල මම දන්නේ නැහැ. නමුත් හිතා ගන්න පුළුවන්. නමුත් ඔහුගේ අනියම් ප්‍රේමය නිසා මටත් මගේ දරුවන්ටත් විඳින්න වුණු දුක්‌ගැහැට මා දන්නවා. ඊට අවශ්‍ය සාක්‍ෂිත් මා ළඟ තිබෙනවා. මේ දේවල් වෙන්න කලින් මම මෙයාව දැකලවත් තිබුණේ නැහැ. "කෙල්ලට නිතරම වීරයා වැඩ පෙන්වනවනේ" අපි හැමෝම අහල තියෙන්නේ එහෙමයි. අන්න ඒ විදිහට කෙල්ල ඉස්‌සරහ වැඩ පෙන්වන්න ගිහින් තමයි මෙයා මේ අමාරුවේ වැටුණේ.

එතකොට ඔබ දුෂ්ඨයාද? ඔව්. ඒ අය හිතන් ඉන්නේ එහෙම තමයි. පොලිසියේ විසිතුනක්‌ කිසිම චෝදනාවක්‌ නැතුව එකපාරටම මාරු කරනවා කියන එක මොනතරම් වීර කමක්‌ද? මේක පුදුම බලයක්‌නේ. ඒ වගේම තමයි ඔය පුද්ගලයා නිලතල හොබවන බැංකු ඇතුළු රාජ්‍ය ආයතනවල යටි මගඩි වැඩ බොහොමයක්‌ පසුගිය කාලේදී සැලසුම් කළේ මගේ නිවසේ ඉඳන්. ඒ බව මා දන්නවා. තමන්ට ලැබුණු බලය අනිසි ලෙස පාවිච්චි කරමින් තමයි ඔහු මේ හැම දෙයක්‌ම කරන්නේ.

ඔබත් මේ රටේ බොහෝ දැන හැඳුනුම්කම් තිබෙන චරිතයක්‌. ඒ හරහා රටේ ඉහළ පුද්ගලයන්ට හා වගකිවයුතු තැන්වලට මේ පිළිබඳව දන්වන්න තිබුණා නේද?

මම එහෙම කළා.

එතකොට මොකද ඔවුන් කිව්වේ?

ඔප්පු කරන්න පුළුවන් දන්න දේවල් තියෙනවා නම් ඒ සියල්ල හෙළි කරන්න කිව්වා.


හුළා මහතා, චතූෂගේ හිතවතෙක් පිළිගැනීමට සූදානමින්.
ඒ ඉහළ තැන් මේවට සම්බන්ධ නැහැයි කියල හිතනවද?

මට හොඳටම විශ්වාසයි මේ ඉහළ අය මේ ගැන කිසිම දෙයක්‌ දන්නේ නැති බවට. මේ සියල්ල හුලාගේ පුද්ගලික අවශ්‍යතා මත කරන දේවල්.

අඩුම තරමේ ආරක්‍ෂක ලේකම්තුමාවත් නොදන්නා බවද ඔබ කියන්නේ?

මට විශ්වාසයි එතුමාවත් මේ ගැන දැනගෙන සිටියෙ නැහැ කියලා. මට එතුමාව තවම හමුවෙලා නැහැ. කියන්න ගොඩක්‌ දේවල් තියෙනවා. උත්සාහ කරනවා එතුමාව මුණගැහෙන්න.

පොලිස්‌පතිවරයා ගැන ඔබේ අදහස?

ඔහු ඉතා හොඳ නිලධාරියෙක්‌ විය යුතුයි. ඔහුවත් මට හමුවෙලා නැහැ.

මේ හැම චෝදනාවක්‌ම ඔබේ බිරිඳට ඔබ එල්ල කරන අතරේ ඇයටත් ඔබ සම්බන්ධයෙන් එවැනි චෝදනා ඇති?

ඔව්. තියෙනවා. ඒක තමයි මම ලෝබකමට ඇය ඉල්ලපු බෙන්ස්‌ කාර් එක අරන් දුන්නේ නැහැ කියන චෝදනාව. ඊට අමතරව පසුගිය දවස්‌වල ඇය මගේ දරුවන්වත් මාවත් උසාවි අරන් ගියා දරුවන්ට ලියල තියෙන දේපළවල අයිතිය ඇයට පවරන්න කියා. මේව තමයි චෝදනා.

ඔබ දෙදෙනා විවාහ වුණේ ප්‍රේම සබඳතාවකින්ද?

ඔව්.

ඒ කාලේ ඇය කොහොමද?

ඇය මෝදර ප්‍රදේශයේ බොහොම සාමාන්‍ය පවුලක පුංචි ගෙදරක සිටිය හොඳ කෙනෙක්‌.

මේ හැමදේම හමුවේ ඔබට ජීවිත අවදානමක්‌ තිබෙනවාද?

පැහැදිලිවම තිබෙනවා. ඒ ගැන මගේ දරුවොත්, මගේ මවත්, හිතවතුනුත් නිතර මට කියනවා.

ඒ ගැන නීතිමය පියවර ගත්තද?

පොලිසියේ පැමිණිල්ලක්‌ දැම්මා. ඒකනේ කරන්න තියෙන්නේ. ඒත් ඒ ගැන මට වැඩි විශ්වාසයක්‌ නැහැ.


රංග විදානේ

සියලුම ඡායාරූප අදාල පුද්ගලයන්ගේ ෆේස්බුක් පිටුවෙන් ලබා ගන්නා ලදි

Wednesday, August 21, 2013

කිරි වෙනුවට පිටිකළ 'නියම' පොල් කිරි බොමුද..? හෙවත් ගූගල් ඉමේජස් අනුසාරයෙන් මැජික් පෙන්වීම..!

ලෝකය තනි යායකැයි කිවේ මහගම සේකරය. තොරතුරු තාක්ෂණය සමඟ දොඩම් ගෙඩියක් වන් ලෝකය රොටියක් මෙන් පැතලි වෙමින් යනු දුටු තෝමස් ෆ්‍රිඩ්මාන් "World is Flat" යැයි පැවසීය.

එකළ තිබුණේ හිරු නොබසින අධිරාජ්‍යයන් එකකි. ඒත් අද මුළු ලොවම හිරු නොබසින අධිරාජ්‍යයකි. ලෝකයේ මහ බලවතා බුද්ධිය පමණක් වෙහෙසවා එය ගොඩ නැඟීම ලෝකයට බාරදී බලා සිටිති.

අද මහ බලවතාට ඉන්ජිනේරුවන් සාදන ෆැක්ටරිය ඉන්දියාවයි. මහ බලවතා සමඟ ඉතා හොඳින් ගණුදෙනු කරන මේ ඉන්දියානුවෝ පසුව මහ බලවතාගේ ආශිර්වාදය සමඟ එහි අත්තක් ඉන්දියාවේ පැළ කරති. පසුව එන පරම්පරාව "මොනවද මුත්තේ මොකද කරන්නේ මොකටද උඹ ඔය බිම හාරන්නේ..?" යැයි නොඅසති. ඔවුහු මේ සිටුවන අඹ පැළයේ වටිනාකම දනිති. ලංකාවෙන් ලෝකයට ගිය සමහර ලංකාවට ආදරය කරන මිනිසුන්ද ලංකාවට පැමිණ අඹ පැළ සිටුවා ඊළඟ පරපුරට සේවය දෙමින් සිටිති.

මේ නිසා තවදුරටත් සුරපුර යන්නට සුදු අප්පු කෙනෙකුගේ වලිගේ එල්ලීමට අවශ්‍ය නැත. අද එදා මෙන් ලෝකයට යාම මහා මැජික් එකක් වන්නේද නැත.

නිදහස් අධ්‍යාපනයෙන් උපරිම පළ ලැබු අරුණප්‍රියලාට, ගුණරත්නලාට ලෝකයේ එහා කොණේ ජොන් ස්මිත්, මෙහා කොනේ ලින් යැන්ග් සමඟ හරි හරියට ගනුදෙනු කරන්නට අවස්තාව හිමිවි ඇත.

මේවා ගැන දන්නෝ දනිති.

ඒ වගත් එසේ තිබියදි, මහබලවතාගේ සුපර් මාකට්ටු ගැන අවබෝධයක් ඇත්තෝ එහි ලොකයේ එහා කොණේ සිට මෙහා කොණ දක්වා සියළුම බඩු භාණ්ඩ පුරවා ඇති බව දනිති. මුස්ලිම් අයට අවශ්‍යය හලාල් බඩු, චීනුන්ගේ බඩු, කොරියානුවන්ගේ බඩු, ජපන්නුන්ගේ බඩු, හිස්පැනික් උන්ගේ බඩු, සහ ඉන්දියානුවන්ගේ බඩු, නිර්මාංශිකයන්ගේ බඩු, වීගන්ලාඟේ බඩු, ඔර්ගනික් බඩු ආදී එකී මෙකී සියලුම බඩු  එහි රාක්ක තට්ටු පිට තට්ටු ගසා ඇත.

(ගූගල් ඉමේජස් වලින් වැඩ පෙන්වන්නට අපටද හැකිය. එහෙත් ගහ දන්නා අයට කොළ කඩා පෑම මෝඩ කමක් නිසා ඒ සඳහා කාලය නාස්ති නොකර සිටිමි). 

මෙහිදි වඩාත්ම වැදගත්වන්නේ ගූගල් ඉමේජස් වලින් සොයා ගත් පිටිකළ කිරි වල ඡායාරූප වලින් මැජික් පෙන්වීම නොව ලෝකයේ වැඩිම කිරි නිශ්පාදනය කරන රටේ මිනිසුන් බහුතරයක් පරිභෝජනය කරන්නේ මොනවාද යන්නයි.













මහබලවතාගේ රටේ ඉපදුන මිනිසුන් පසෙකින් තැබුවත් මේ සඳහා හොඳම උදාහරණය වන්නේ, ලංකාවේ උපන්දා සිට ''පිටි කළ කිරි'' පානය කළ 'ලාන්කිකයන්', ලංකාවේදි කිරි [කිරි යනු දියර කිරි මිස අනෙකක් නොවේ] පානය කරනා විට සෙම තද වන්නේ යැයි විශ්වාස කළ 'ලාන්කිකයන්', මහබලවතාගේ රටේ පස් පෑගූ දිනයේ සිට වෝල්මාර්ට් එකෙන් සේෆ් වේ එකෙන්, මෙම්බර්ශිප් ඇතිනම් කොස්ට්කෝ එකෙන් ගත් කිරි ගැලුම යස අගේට පානය කිරීමයි.

ලන්කාවේ බහුතරයක් මිනිස්සු ආහර පාන පිළියෙල කිරීමේදි පොල් කිරි භාවිතා කරති. එහෙත් සුලු පිරිසකගේ අවශ්‍යතාවයන් සඳහා ලන්කාවේ සුපිරි වෙළඳ සැල් වලද ''පිටි කළ පොල් කිරි'' ඇත. සුපිරි වෙළඳ සැල්වල පිටිකළ පොල් කිරි විකිණීමට තිබූ පළියටම මුළු ලන්කාවම පිටිකළ පොල්කිරි පරිභෝජනයට ගන්නවායැයි යමෙක් තර්ක කරන්නේ නම් එයින් පෙනී යන්නේ ඒ පුද්ගලයාගේ බුද්ධි මට්ටමයි. මෙනිසා සොයා බැලිය යුතු කාරණය වන්නේ ලන්කාවේ ජනගහණයෙන් කොපමණ ප්‍රතිශතයක් ''පිටිකළ පොල් කිරි'' ප්‍රභෝජනයට ගන්නවාද යන්නයි.

අවසානයට ගූගල් ඉමේජස් අනුසාරයෙන් සොයා ගත් ලංකාවේ වෙළඳ පොලේ විකිණිමට තබා ඇති ''පිටිකළ පොල් කිරි'' පැකට්ටුවක ඡායාරූපයක් එකතු කරමින් මම මේ ලිපිය අවසන් කරමි.

                           (පිටිකළ) නියම පොල් කිරි




ප.ලි: කතන්දර මාමා දවසක් අපූරු කතාවක් පැවසීය,
''ඕනෑම දෙයක දෙපැත්තක් තියෙනවා, එකක් හරි පැත්ත අනෙක අරුණිගේ පැත්ත''

Saturday, August 17, 2013

ලංකාවේ සියලුම මිනිසුන් පුස් මෝඩයන් යැයි සිතා සිටින, සියල්ල දත් යැංකි මැඩම්වත් ඇන්දවූ අපේ පැරඩි නිර්මාණකරුවෝ - Well done guys..!

ලංකාවේ ජහඃ මනයන් බොහෝ දෙනෙකුට පැරඩි සහ සාකෑසිසම් යන වචන වල තේරුම තෙරෙන්නේ නැත. සිංහල වෙබ් අවකාශය තුළ මෙතෙක් බිහිවූ විශිෂ්ටතම පැරඩි අඩවිය වන "වර්ගපූර්ණිකාව" පටන් ගත් මුල් දිනවල ඇත්ත සහ පැරඩිය අතර වෙනස හදුනා ගත නොහැකිව ඩෙඟා නැටූ සැටි අපට තවමත් මතකය. [තර්ජන වලට බියෙන් අද එය වසා දමා තිබෙන්නේ අපේ අවාසනාවටය].

පැරඩි නිර්මාණකරුවන්ගේ හැකියාව වන්නේ සත්‍යයය සහ හාස්‍යය ඉතා සියුම් ඉරකින් වෙන් කිරීමයි.












ලංකාවේ ජහඃ මනයාට සමාව දිය හැක්කේ සියල්ල දත් යැංකි මැඩම් ඇදගෙන සිටිනු දකින විටය.

 ""Ordain කියන වචනේ එක තේරුමක් නම් Order or decree (something) officially: "equal punishment was ordained for the two crimes". නිව්ස් එක එයා බුදු දහමේ පැවිදි වෙනවා නෙමෙයි රොබට් පැටින්සන් නළුවා සහ රූපට් සෑන්ඩර්ස් අධ්‍යක්ෂකවරයා සමඟ ආදර/ලිංගික පලහිලව්ව ගැනයි ... හපොයි මෙහෙමත් අවුල් කරගන්න මිනිස්සු!!!!"  

ලංකාවේ සියලුම මිනිස්සුන් පුස් මෝඩයන් යැයි සිතා සිටින, ලොකු මාළු ටැංකියක කුඩා මාළුවකු වීම නිසා, පොඩි මාළු ටැංකියක ලොකු මාළුවෙකු වීමට දගලන,  
සියල්ල දත් යැංකි මැඩම්;  
ඇනගත්තා නේද..?



ප.ලි: පෙට්ටියෙන් බැහරවී සිතුවානම් ඔහොම වෙන්නේ නෑ නෙව..!


ප.ප.ලි: ලංකාවේ ඉතා විශිෂ්ට සිංහල පැරඩි නිර්මාණකරුවන් සිටීම අපගේ භාග්‍යයකි. ඔවුන් මේ විකාර බලා ඉතා හොඳ වින්දනයක් ලබනවා නියතය.

Wednesday, August 14, 2013

ජාතීවාදය කහ පාටද..? කොළ පාටද..?

කාලෙන් කාලෙට එන වසංගත අනුව ෆේස් බුකියේ ප්‍රොෆයිල් පිකචර්ස් මාරු වීම අපේ ජහඃ මනයා කරගෙන එනු ලබන පාරම්පරික චාරිත්‍රයකි. [මේ එහෙයියන් මාරුව ගැන වචන 1000ක රචනාවක් ලිවීමට තරම් දේ ඇතත් කම්මැලිකම දෙයියන්ගේ මල්ලී කියන්නා සේ මම එය සුපුරුදු පරිදි "ටු ඩූ ලිස්ට්" එකට දමමි].

කොටියා පුත් පිරබාහරන් කළු අමුඩයක් ගසා ඔළුව පලාගෙන වල පල්ලට යැවූ දිනයේ පාරේ නටා කිරිබත් කා "ආයූබෝවේවා මහරජාණිනි" ගයා ප්‍රොෆයිල් පික්චර්ස් සිහ කොඩි දැමුවෝ; රතුපස් සමඟ කළු කොඩි දමාගෙන හංස ගී ගයනා විට අපිටනම් හිනා යන්නේ අහවල් තැනිනි. [එයද තවත් වචන 1000ක රචනාවකි].

රතු-පස් වලින් චැනලය GRAND-pas වලට මාරු වෙද්දි කළු වුන මූණු වලට; කහ පසු බිමේ පහක් දමන්නේ

"ජාතිවාදය එපා" කියාගෙනය.

ජාතිවාදය එපා වීම හොඳය. අපිද ලයික්ය. 

ඒ නාඩගම එසේ යද්දි අනිත් පැත්තේ කටු කන කුක්කන් අභියෝගකරන්නේ
"එම්බා, කහ පාට නැතුව කොළ පාට දමා පෙන්වම්" කියාය. 

[මේ අභියෝගය එක්තර දොස්තර මහත්තයෙක් කරනා කල්හි අපිට පහන් සංවේග උපදින්නේ "අනේ තොගේ දොස්තර නළාව ගහගන් පු*" කියාය].

කෙසේ හෝ මේ අභියෝගය
"මැරෙන සැටි මම පෙන්වම්" කියා භාර ගන්නා අනේකාගේ පහ; දැන් පැත්තක් කහය පැත්තක් කොළය.

"කොළ පැත්ත ලොකු ඇයි..?" 

කියා අසනා පොල්බුරුවන්ට 2x2 කුණු හරුපෙන් අමතනවා වෙනුවට 

"සමමිතිකවයි බෙදලා තියෙන්නේ" කියා වග උතතර බදිනු දකිනා විට සිත්වන්නේ 

"මහින්ද මාමේ මුන් ඉන්නකම් ඔහේ රජ; මමත් එනවා ඔය පැත්තට" කියා අතේ එල්ලෙන්නටය.   

මහින්ද මාමිටම ගැලපෙන නල්ලමලේ ගැන්සිය..!



Friday, August 2, 2013

අන්වර් මනතුංග; ඔයාගේ සරම බිම. ශේප් එකේ ඇදගන්ඩ..!

ආගමට අපහාස කළ සවුදි බ්ලොග්කරුට කස පහර 600යි…, සිරදඬුවම වසර 7යි

සවුදි අරාබියේ ආගමික කටයුතු පිළිබඳ විවෘත සංවාදය සඳහා 2008දී ඇරඹි නිදහස් සවුදි ලිබරල්වාදියෝ නම් වෙබ් අඩවිය මගින් එහි නිර්මාතෘ රායිෆ් බඩාවි ඉස්ලාම් ආගමට අපහාස කළ බවට චෝදනා කරමින් ජෙඩාහි අපරාධ අධිකරණය ඔහු වෙත කස පහර 600ක සහ සත් වසක සිරදඬුවම් පණවා ඇතැයි වාර්තා වේ.
පසුගිය වසරේ ජුනි මසදී අත්අඩංගුවට පත්වීමෙන් අනතුරුව රයිෆ් බඩාවි ජෙඩා නගරයේ බුරෙයිමාන් සිරගෙදර රඳවා ඇති අතර ඔහු මිථ්‍යා දෘෂ්ඨිකයකු බවත් ආගම හැර යාම සඳහා දඬුවම් ලබාදිය යුතු බවත් ප‍්‍රබල පූජකයෙකු විසින් පවසනු ලැබිනි.


ෂික් අබ්දුල්රහමාන් අල්-බරැක් පවසන ලද්දේ බඩාවි විසින් මුසල්මානුවන්, යුදෙව්වන්, ක‍්‍රිස්තියානින් සහ අදේවවාදීන් සියල්ලම සමාන බව පැවසීම දැඩි වරදක් බවයි.



ආගම හැර යාමට දඬුවම වන මරණීය දණ්ඩනය පනවනු ලැබීමෙන් ඔහු ගැලවී ගත්තේ අධිකරණය ඉදිරියේ තම මුස්ලිම් ලබ්ධික බව සනාථ කිරීමෙන් පසුව බව පැවසේ.

දඬුවමෙන් වසර 5ක් ආගමට අපහාස කිරීම මෙන්ම 2007දී බලාත්මක කෙරුණු සයිබර් අපරාධ නීතිය උල්ලංඝණය කිරීමේ චෝදනාව මත පැණවූ බවත් සවුදි අරාබියාවේ ආගමික පොලිසිය සහ සදාචාරය ප‍්‍රචලිත කිරීමේ සහ දුරාචාරය මැඬලීමේ කොමිසමේ ක‍්‍රියාකලාපයන් ප‍්‍රසිද්ධියේ විවේචනයට ලක්කිරීම මත තවත් වසා 2ක් සිරදඬුවමට එකතු කළ බවත් බඩාවිගේ නීතිඥ වලීඞ් අබු අල් කායිර් ඇමරිකානු මානව හිමිකම් සංවිධානයකට පවසා තිබේ.

2008දී රජය සහ බඩාවි අතර ගැටුම් ඇවිලූනු අතර 2009දී ඔහුගේ සියලූ දේපළ පවරාගැනීම සහ විදේශගත වීම වැළැක්වීමේ තීන්දුවක් ලබාදීම සමග 2012දී බඩාවිගේ බිරිඳ සහ දරුවන් විදෙස්ගත වූ බව වාර්තා වේ.

 ප.ලි: අන්වර් මනතුංග; ඔයාගේ සරම බිම. ශේප් එකේ ඇදගන්ඩ..!

වින්දනාත්මක

සාහිත්‍ය

සමාජ/කාලීන

දේශපාලන

Followers

අපිව කියවන අය