විවිධ

Powered by Blogger.

Friday, November 26, 2010

පරිණාමය..


"වම" කියන්නෙ මොකක්ද?
ආ.. ඒක හුළං විදුලියේ කොලොම්බියා තැටියකටත් වඩා පරණ බයිලයක් 
එතකොට මාක්ස්වාදය කියන්නේ?
ඒ මොකක්ද? වයසට යද්දියි සම්‍යක් දෘෂ්ඨිය පහළ වෙන්නෙ. උඹලටත් තේරෙයි නාකි වුණාම.
එතකොට කම්කරු නායකත්වයට මොකද වෙන්නෙ?
මේස පිහියෙන් පාන් ගෙඩියක්වත් කපල නැති එවුන් කම්කරු නායකයො විදියට පිළිගන්න එක මෝහයයි. ඒක කම්කරුවන්ගෙ දෝෂයක්. 
එහෙනම් යන්නද සහෝදරය..?
සහෝදරය නෙවෙයි යකෝ ගරු ඇමැතිතුමා...

Monday, November 22, 2010

තියාගනිව් තොපේ සර්වේ එක...!

යකෝ.................
තොපි දන්නෙ නැති උනාට
ලෝකෙ ලොකුම වැව තියෙන්නෙයි
ලෝකෙ හොඳම කැලෑව තියෙන්නෙයි
ලෝකෙ ධාර්මිකම මිනිස්සු ඉන්නෙයි
ලෝකෙ ලස්සනම දිය ඇල්ල තියෙන්නෙයි
ලෝකෙ හොඳම හමුදාපති ඉන්නෙයි
ලෝකේ ශ්‍රේෂ්ඨම ජාතිය ඉන්නෙයි
ලෝකෙ ලස්සනම භාෂාව තියෙන්නෙයි
ලෝකෙ හොඳම ආගම තියෙන්නෙයි
ලෝකෙ වැඩියෙම්ම පින් කරන්නෙයි
ලෝකෙ හොඳම ජනාධිපති ඉන්නෙයි
ලෝකෙ එකම ජාතික චින්තනය තියෙන්නෙයි
ලෝකෙ විප්ලවීයම වාමාංශිකයො ඉන්නෙයි
ලෝකෙ හොඳම විපක්ෂ නායක ඉන්නෙයි
ලෝකෙ හොඳම හිරකාරයා ඉන්නෙයි
ලෝකෙ අදීනම මාධ්‍ය තියෙන්නෙයි
ලෝකෙ මාරාන්තිකම උපවාසකාරයෝ ඉන්නෙයි
ලෝකෙ දරුණුම පෝර්න් ස්ටාර්ස්ල ඉන්නෙයි
ලෝකෙ ලොකුම කිරිබත හැදුවෙයි
අපේ රටේ යකෝ....................
තියාගනිව් තොපේ රෙද්දෙ සර්වේ එක.
තොපි එයිනේ කැසිනෝ ගහන්ඩ......
එදාට බලාගමු......!!

Thursday, November 18, 2010

තහනං පෝස්ටර් යැ

කොළඹ නගරය සරසන ලද
දංකොටුව පෝසිලේන් හැඩ
මල් වැල් ගෙතූ ලොකු කටවුට්

එඩි ඇති මිනිහෙකුට කළ හැකිද?
ආණ්ඩුව වැරදි තැන අලවන එකත්
තහනං කළ කලෙක

දුර දකින එඩි ඇති හිනාවට යටින්
හී අකුරෙන් ලියා තිබුණා
මේක පංචායුධයේ වැඩක්

මං හිතන්නේ ආරස්සාවට
වෙන්ටැ


-හිතුවක්කාරයා

හපනෙක් ඉන්නවානං මේ කටවුට් එකක පින්තූරයක් මේ යටිං එල්ලන්න
මංගල්ලෙට පෙර වදනක්
බදින්න පෙර සිතා බදිනු
අයියෝ සිරිසේන
නැතිවෙලා උගෙ ජානකී


මේ කෝකත් දැනගන්න

කියවන්න


Saturday, November 13, 2010

නුඹ නමින්

සුපිපුනු සුවඳ
මල් හසරැලි
 මුව ගවසා
   
සඳ කැන් වලින්
   සිහිලස ගෙන
   හද තවරා

මදනළ සමඟ
හාදව
ගී පද මුමුනා
      
      නුඹ ළඟ රැදෙමි 
     හැමදා
      සෙනෙහස පුරවා

Friday, November 12, 2010

"වීදි දරුවෙකුගේ කථාව....."


"නුඹ මා ඔය දෑතින්
කෙතරම් කාලයක්
වඩා උන්නාදැයි
මා නොදනිමි..........

උපන් හැටියෙම
ආදරය උණුසුම සොයා
මා හඬද්දී
කිරි සුවඳට
ඉව අල්ලද්දී
නුඹ මා වෙන
ලොවක අතරමන් කර
ගිය හැටි 
මා නොදනිමි.........

මගේ සිඟිති
තොලකට වේලෙද්දී
නුඹේ දෙතනට 
කිරි එරුනාදැයි
මා නොදනිමි........

ඔය දෑතින් මා වඩා
පුතේ කියා
හඬගැසුවාදැයි
මගේ මුහුන සිප ගත්තාදැයි
මා නොදනිමි......

මා මෙහි දමා යද්දී
නුඹේ නෙතට
කදුලක් ඉනුවාදැයි
දරු සෙනෙහෙන් 
ලය තෙමුනාදැයි
මා නොදනිමි.......

නුඹේ අතින් බත් දෙකටක්
කවා ගන්න
නුඹේ අතින් අල්ලා ඇවිදින්න
නොහැකි වීමට තරම්
මා අවාසනාවන්තදැයි
මා නොදනිමි.......

මා සෙවූ 
මම සොයන
අම්මා කියන නුඹේ 
ඡායාවවත්
මම නොදනිමි........"

Thursday, November 11, 2010

ප්‍රසිද්ධ කිරීම කැත නම්, හංගගෙන බැලීම හොඳ ද?

අසභ් බව කියන වැඩිහිටි වෙබ් අඩවිවල දර්ශනවලට පෙනී සිටි බව කියන පුද්ගලයන් පිරිසකගේ ඡායාරූප ගිය සඳුදා සිට ඇතැම් මාධ් මගින් "ප්රසිද්ධ කලා".
මේක ප්රසිද්ධ කිරීමක් නම්, එයාලා හැංගිලයි ඉඳලා තියෙන්නේ. හැංගිලා ඉඳිමෙයි, මේ ප්රසිද්ධ කිරීමෙයි සාමාජීය තාක්ෂණය එකක්මයි.
(අන්තර්ජාලය තුල හැංගීම?)
හංගගෙන පිරිසක් "රස විඳිනවා".  ඒකට අවස්ථාව නැති අය ප්රසිද්ධ කරලා "රස විඳිනවා". දෙකේම තියෙන්නෙ එකම රසය. මේක තමයි ලාංකීය සමාජයේ "රස" සංවිධානය වෙලා තියෙන විදිහ.

හැංගිලා හිටපු අයව ප්‍රසිද්ධ කරන එක හිංසනයක් වගේම, ප්‍රසිද්ධියේ හිටපු අයව හංගලා රස විඳින එකත් හිංසනයක්.  දූෂණයට ලක්වන අවස්ථාවක් උනත් හැංගිලා රස විඳිනවා වෙන්න පුළුවන්. නිදහසට කරුණ තමයි ඒ විත්තිය අපි දන්නෑ කියන එක. මේ අර්ථයෙන් හැංගීමයි, ප්රසිද්ධ කිරීමයි දෙකම නින්දිතයි.

අපේ සමාජයට ලිංගිකත්වය රැගෙන එන විදිහ තමයි මේ.  මෙතැන සාධනීය කාරණයක් තියෙනවා. ඇගේ වෛරය/සළුපට අහසට වගේ චිත්රපට වලට සමාජය හොඳටම බැන්නා. ඒත් අද පසන් නිවසේ ආලින්දයට, රසඳුන හරහා "ඇගේ වෛරය" ගෙනාපු ලිංගිකත්වය කිසිම විරෝධයකින් තොරව අරගෙන එනවා. මේ තැනට සමාජය රැගෙන මාවත අපිට අමතක කරන්න බෑ.  

මේ ප්රසිද්ධ කිරීම තුල පැරා විසින් ලිංගික ශ්රමිකයන්ගේ හිමිකම් මානව හිමිකම්  ලිපියේ සාකච්ඡා කල ඉතාම මානුෂීය ගැටළු කීපය තියෙනවා තමයි. ඒවා ගැන මොකද කරන්නෙ කියන එක අපි කල්පනා කරන්න ඕනෙ. නමුත් මෙතැන ලිංගික ශ්රමිකයින් හෝ ශ්රමිකාවියන් ඉන්නවානම්, අපි කරන්න ඕනෙ එයාලව ආයෙත් "ප්රසිද්ධියේ හංගන" එක නොවෙයි. එයාලත් එක්ක පෙනී ඉන්න එක. නිදහස වෙනුවෙන් එයාලත් එක්ක අත්වැල් බැඳගන්න එකඑයාලගේ වෘත්තීය අයිතීන් දිනාගන්න උදව් කරන එක. විදිහට වෘත්තීය අයිතීන් දිනාගත්තු රටවල් කීපයක්ම තියෙනවනේ.

සමාජයට ප්රමිතීන් අවශ්යයි. ඒවා නිදහස දිනා ගැනීමේ ක්රියාදාමයක් තුල ගොඩනැගෙන්න ඉඩ හරිමු.

Visit our blog -  http://sanuwa.blogspot.com/

Monday, November 8, 2010

‘සුළඟ එනු පිණිස’ නැවත බැලීම










'යුදබිමක (හෝ පශ්චාත් යුද බිමක) තර්කානුකූල කිසිවක් නැත.'

Saturday, November 6, 2010

ලාංකීය පිරිමින්ට මෙන්න ආතල් නං ආතල්....සඳුදා සිට ප්‍රදර්ශණයේ....

සියළු ලාංකීය පිරිමින්ගේ අවධානය පිණිසයි.
මෙන්න ඔබ පුල පුලා බලා සිටි අවස්ථාව.
ශ්‍රී ලංකා ජනරජය විසින් වේස නිළියන් යයි සැක කරනු ලබන කාන්තාවන් ඇතුළුව 83 දෙනෙකුගේ අති දුර්ලභ ඡායාරූප එකතුව.
ලබන සඳුදා සිට ස්වර්ණවාහිණී සහ ලංකාදීප ඇතුළු සියළු කුණු මාධ්‍යයන් ඔස්සේ.

දැන්ම සැරසෙන්න....
ස්ටාෆ් එකේ පිරිමින් හා එකතු වී හොඳම කෑල්ල තෝරන්න.
ගෙවල් අසල/අල්ලපු ගමේ/ආසනයේ එකියක නැතිනම් දිස්ත්‍රීක්කයේ එකියක වත් සිටිනවාදැයි සොයා බලන්න.
කැමති මූණක් තිබේනම් අවශ්‍ය පරිදි ඔලුව තුල සංස්කරණය කරගන්න.
අවශ්‍ය නම් තනියම හූල්ලන්න.
ඔබගේ පරණ කෑලි මේ ගොඩේ සිටීදැයි සැක හැර දැනගන්න.
අදම සැරසෙන්න.

කොන්දේසි
ඔවුන් මෙසේ ඇඳුම් ගැලෙව්වේ ඇයි දැයි ප්‍රසිද්ධියේ සාකච්ඡා කිරීම සදාචාරයට පටහැණිය.
"පෙම්වතුන් විසින් රවටන ලදුව වීඩියෝ හෝ ඡායාරූප ගත වූ" නමින් කැටගරියක් නැති බව සලකන්න.
මෙම ප්‍රදර්ශනයෙන් ඔවුන්ට හා ඔවුන්ගේ පවු‍ල්වල අයට සිදුවීමට නියමිත මානසික (ඇතැම්විට ශාරීරික) හිංසනයන් සඳහා වගකීමට ඔබ බැඳී නැත.
සැකකරුවන් සහ වරදකරුවන් යනු ලංකාව තුල එකය.

අවවාදයයි.

"ඔබගේ" ඇඳුම් ගැලවීමට පෙර දෙවරක් සිතන්න.
වැඩි විස්තර සඳහා මෙතැනට යන්න.
http://w3lanka.blogspot.com/2010/11/sex-workers-rights-are-also-human.html

Tuesday, November 2, 2010

සරසවිය


එක ඉඟුරු විස්කෝතුව බෙදාගෙන
පයිප්පෙට කට අල්ලලා තිබහ ඇරගත්
දොහක් තිබුණා මතක ඉව අල්ලන
ආයෙමත් යන්න දොල හිත පැන නැගෙන

සාමා අමර නැහැ දැන් හෝඩියක් කොහෙද!
වේවැලක් නැති ටියුෂන් මාස්ටර්
කැත කතා කියමින් නිදිමත එළවා දමන
ගුරු කොට ඉගෙන මෙහි පැමිණ

පිණි වැටුණ තණපත් නොපෑගෙන්නට
කහ පාට මැකෙන්නට කිට්ටු ගිළිහුණ මල් තලාවක
වේගයෙන් ඇවිදගෙන යන අතර
දඩ බිමක හුදෙකලා බව දැනේ ලේ සුවඳ පැතිරෙන

හිතුවක්කාරයා

දිය කෙළියට පසු


රංජනී, වතෙහි කහ ‍
සෝදලා සාරි ඇද
අඩ සඳට තිලක ලා
හිනහුනා ගෙළ නමා


පාතිමා, අත්ල පා
මරතෝඩි රටා දා
මොට්ටැක්කිලේ ලා
සඳ තවත් හැඩකළා


කුසුමලා, රේණුලා,
පොන්ඩ්ස් ලිප්ටික්ස් උලා
ගත ඩෙනිම් හිරෙහි ලා
හඬ නගයි හිනැහිලා


.................ගැමියා...............

Blog Archive

වින්දනාත්මක

සාහිත්‍ය

සමාජ/කාලීන

දේශපාලන

Followers

අපිව කියවන අය