උපේක්ශයි ඔබයි මමයි

පහුගිය දවසක ආතල් වැඩසටහනක් ඇහැ ගැටෙනවා, 

 "උපේක්ශයි ඔබයි මමයි"

මේක මෙහෙයවන්නේ කවුද කියලා ඉතින් අමුතුවෙන් කියන්න ඕනේ නෑනේ. පාර්ලිමේන්තු මන්ත්‍රීනී උපේක්ශා ස්වර්ණමාලි.

"උපේක්ශයි ඔබයි මමයි" ඔය "ඉරෝශයි-නිරෝශයි", "ලයිව් සන්ඩේ විත් අනර්කලි" වගේම උනත්, ටිකක් වෙනස් [කොහොමත් ඕවා බලන එක හෙණ ආතල්. මොකද ඒ ගොල්ලෝ හිනා නොවෙන ඒවට මට හිනා යනවා, මට හිනා නොයන ඒවට ඒ අය බඩ අල්ලන් හිනාවෙනවා].

දැන් කට්ටිය කියන කතාවක්නේ,
"ඔබයි මමයි සියලුම දෙනාම විකිණෙනවා සහ විකුණනවා" කියලා.

ඕක මුලින්ම කියන්නේ අසෝක හඳගම.
හදඟම දවසක් කියනවා "අපි හැමෝම විකිණෙනවා" කියලා.

පස්සේ කට්ටිය මේක පට්ට ගහන්න ගන්නවා [විශේෂයෙන්ම කොහොමත් බඩු විකුණන ඇඩ්වර්ටයිසින් කාරයෝ].  
වෙනත් වචන වලින්ම කියුවොත් තමන් කරන සියලුම ජඩ වැඩ සාධාරණීකරනය කරගන්න ඕක යොදා ගන්නවා.

"අනේ අපි විකිණෙනවා" [උඹ බබා..?]

කොහොමහරි මෙදා පාර "උපෙක්ශයි ඔබයි මමයි" එකට එන්නේ
නියම බඩු දෙකක්.
දෙන්නම වෙළෙන්දෝ. 

එක්කෙනෙක් සිංහල පැකට් කරලා විකුණනවා
[පුතාලා ඉන්ටර්නැශනල් ස්කූල් යනවා],
අනිත් කෙනා කලින් සැළලිහිණිය කෑලී කපලා විකුණලා, දැන් පෝර පැකට් කරලා විකුණනවා.

කැමතිනම් බලන්න,

අපේ කාලේ ශූර වෙළෙන්දන් දෙදෙනෙක්.
පාර්ලිමේන්තු මන්ත්‍රීනී උපේක්ශා ස්වර්ණමාලි සමඟින්.
"උපේක්ශයි ඔබයි මමයි"

ප්‍රේක්ශිකාවක්: දුකා අයියේ ඇයි ඔයා කොණ්ඩේ වවලා ඉන්නේ..? ඇයි කොණ්ඩේ කපන්නේ නැත්තේ..? [ඇඬෙනවා]

ප.ලි: කමෙන්ට්ස් වසා ඇත.