හෙජින් පියවීමේ ජාතික ව්‍යාපාරය...

හෙජින් සූදුවේ ණය පියවීමේ ජාතික කර්තව්‍යය

දැන් මහජන අදහස් විමසනු ලැබේ

ඔබේ වටිනා අදහස් ණය පියවීමේ අමාත්‍යාංශය වෙත නැවත නොගෙවන 500/= ක් සමග බාර දෙන්න

හොඳම අදහස් 5 සදහා වෙළෙඳෙපොලේ මිළට වඩා වැඩි මිලට වර්ෂයක් පුරා රොඩු සහිත පෙට්‍රල්

ඵන්න අපේ සංවර්ධනය වෙනුවෙන් ඔබේ කොටස ඉටු කරන්න.......

බටහිර කුමන්ත්‍රණ පරදවන්න එක්වන්න.......

කරඬුවක් නැති පෙරහැරක්......

ලිපිකරුවා

මේ මහා පෙරහැරය
පඩි දාට පසු දා ම
කරඬුව බිම වැටුණ !
...
දැනේ
හෘදස්පන්දන බෙර හඬෙහි
අපිළිවෙළ

හිස වැදී
හිස් අල්මාරියේ
පෙනෙයි සේසත්, කොඩි

සිහිනයෙන් කොතෙක් කෑවත්
රසමසවුළු
බඩ පිරෙන්නේ නැති හෙයින්
කස පුපුරයි
කුස තුළ

කලිසමේ
ඉරුණු තැන් දැක
රබන් කරකවති
දඟකාර කොලුකුරුට්ටෝ
මඟ දිගට

තාත්තගේ අසනීපය
පපුව මත නටයි දහඅට වන්නම.

ටිකෙන් ටික කුටුම්බය බඳින්නට
ගඩොළු ගෙනයන කල එලුණු
ගිනි පොලී පාවාඩ
බොහො සුදුය, පවිත්‍රය.
සිල්ලර කඩ ණය පොතේ
මල් වියන
අව්වට දඹ රන් පාටය.

එළවළු මිල ගණන් අහන කල
පෑගී
අලි කකුල් ඉලක්කම්වලට
හදවතේ භාගයක්
පොඩිවිණ

හිසේ ගින්දර
යකඩ පන්දමේ අග ඇවිලිණ

හිතේ වීරියෙන් අපට
සේද මාවතක් කපන්නට තනන
වහන්වෙලා ලිප්ගලකට
හොරෙන් ඉලඇට අතගගා
දුක් කරදර ගනින
මගේ ආදර බිරිඳ නුඹ
දියවඩන නිළමේය
අනාගතය කුසින් අරගත්

මට හුස්ම පොද පිඹින
මගේ පුන්චි දරුවනේ ඉතින්
පෙරහැර බලබලා කන්ට
ලොසින්ජර පළු කුමකට ද
අපි ඔක්කෝට ම
ලබන මාසේ පඩි දාට
බුදුවෙන්ට පුලුවන්ය එකට ම !

 - සමිත බී. අටුවබැන්දෑල

උපුටාගත්තේ - සංසාර මාවත
http://sansaaramaawatha.blogspot.com/

සංගා හැරෙන්නේ පොල් පැළය කන්නද?

මෙතැනින් කියවන්න.......

~මොතාගමනය~

http://mothagamanaya.blogspot.com/2011/07/blog-post_09.html

අඹ ගහ යට - පොඩි වෙනසක්...

 

පොඩි වෙනසකටත් එක්ක අඹ ගහ යට ටෙම්ප්ලේට් එකට අමතර කොලමක් දෙකක් දාල වර්ගීකරණ රටාව පොඩ්ඩක් වෙනස් කලා. හැබැයි ඉතිං බ්ලොග් වර්ගීකරණය කියන්නේ බෙල්ල ගහල යන වැඩක් තමා. ඒකෙ අමාරුව දැන් නම් හොඳටම තේරෙනවා. ඉතිං අපි කලේ යම් බ්ලොගයක පසුගිය වකවානුව තුල වැඩිපුර කතාබහ කල ඉසව්ව බලලා ඒ අංශයට දනෙ එක. (මේක එච්චරම සාර්ථක නෑ කියන එකත් පිළිගන්න ගමන්ම). ඉතින් ඔබේ බ්ලොගය හෝ ඔබ ප්‍රියකරන අනෙකුත් බ්ලොග් වර්ගීකරණය වෙලා තියෙන විදිහේ මොකුත් වරදක් තියෙනවනම් මෙතනින් පොඩ්ඩක් අපට දැනුම් දෙන්න. අඹ ගහ යට සාර්ථකත්වයට ඔබ ලබාදෙන සහයෝගය අගය කොට සලකමු.